Ongoing News
സിദ്ധാര്ഥിന്റെ മരണം; രണ്ടുപേര് കൂടി കസ്റ്റഡിയില്
കേസിലെ പ്രതികളായ എസ് എഫ് ഐ യൂണിയന് ചെയര്മാന് അരുണ്, യൂനിറ്റ് സെക്രട്ടറി അമല് ഇഹ്സാന് എന്നിവര് പോലീസില് കീഴടങ്ങുകയായിരുന്നു.
കല്പ്പറ്റ | റാഗിങിനെ തുടര്ന്ന് വയനാട് പൂക്കോട് വെറ്ററിനറി കോളജ് വിദ്യാര്ഥി സിദ്ധാര്ഥ് ആത്മഹത്യ ചെയ്ത കേസില് രണ്ടുപേര്കൂടി പോലീസില് കീഴടങ്ങി. എസ് എഫ് ഐ യൂണിയന് ചെയര്മാന് അരുണ്, യൂനിറ്റ് സെക്രട്ടറി അമല് ഇഹ്സാന് എന്നിവരാണ് കീഴടങ്ങിയത്.
ഇതോടെ കേസില് പിടിയിലായ പ്രതികളുടെ എണ്ണം ഒമ്പതായി. ഒളിവിലായിരുന്ന ഒന്നാം പ്രതി പാലക്കാട് പട്ടാമ്പി ആമയൂര് കോട്ടയില് വീട്ടില് കെ അഖിലിനെ ഇന്നലെ രാവിലെ കസ്റ്റഡിയിലെടുത്തിരുന്നു. കല്പ്പറ്റ ഡി വൈ എസ് പി. ടി എന് സജീവിന്റെ നേതൃത്വത്തിലുള്ള പ്രത്യേക അന്വേഷണ സംഘമാണ് അഖിലിനെ പാലക്കാട് നിന്ന് പിടികൂടിയത്.
തിരുവനന്തപുരം സ്വദേശികളായ രെഹാന് ബിനോയ്, എസ് ഡി ആകാശ്, ആര് ഡി ശ്രീഹരി, ഇടുക്കി സ്വദേശി എസ് അഭിഷേക്, തൊടുപുഴ സ്വദേശി ഡോണ്സ് ഡായ്, വയനാട് ബത്തേരി സ്വദേശി ബില്ഗേറ്റ്സ് ജോഷ്വ എന്നിവരെ കഴിഞ്ഞ ദിവസം പിടികൂടിയിരുന്നു. കേസില് ആരോപണ വിധേയരായ നാലുപേരെ എസ് എഫ് ഐയില് നിന്ന് പുറത്താക്കിയതായി സംഘടനയുടെ സംസ്ഥാന പ്രസിഡന്റ് പി എം ആര്ഷോ നേരത്തെ അറിയിച്ചിരുന്നു.
Latest
ലെബനനില് യുദ്ധ റിപ്പോര്ട്ടിങ്ങിനിടെ മൂന്ന് മാധ്യമപ്രവര്ത്തകരെ കൊലപ്പെടുത്തി ഇസ്റാഈല് സൈന്യം
ചില ഉറപ്പുകള് ലഭിച്ചിട്ടുണ്ട്, എപ്പോള് പ്രാവര്ത്തികമാകുമെന്ന് അറിയില്ല; രാഹുല് ഗാന്ധിയുമായുള്ള കൂടിക്കാഴ്ചക്ക് ശേഷം പ്രതികരിച്ച് കെ സുധാകരന്
എം കെ സ്റ്റാലിന് കൊളത്തൂരില് ജനവിധി തേടും, ഒ പനീര്സെല്വം ബോഡിനായ്ക്കന്നൂരില്; ആദ്യഘട്ട സ്ഥാനാര്ത്ഥി പട്ടിക പ്രഖ്യാപിച്ച് ഡിഎംകെ
മോദിയും രാഹുലും കേരളത്തില് വന്നുപോകുന്നത് നുണ നിര്മ്മാണ് മെഷീനുമായി: വൃന്ദാ കാരാട്ട്
മോര്ച്ചറിയില് മൃതദേഹം സൂക്ഷിച്ചതില് വീഴ്ച; കാഞ്ഞിരപ്പള്ളി താലൂക്ക് ആശുപത്രിയിലെ രണ്ട് ജീവനക്കാര്ക്ക് സസ്പെന്ഷന്
മലപ്പുറത്ത് ഇടിമിന്നലേറ്റ് ഒരു മരണം
