Kerala
ഷാരോണ് വധം: കളനാശിനി വയറ്റിലെത്തിയാല് എത്ര സമയത്തിനകം മരിക്കുമെന്ന് ഗ്രീഷ്മ ഇന്റര്നെറ്റില് തിരഞ്ഞതിന് തെളിവ്
നെയ്യാറ്റിന്കര അഡീഷണല് സെഷന്സ് കോടതിയില് നാളെ വിചാരണ തുടരും
തിരുവനന്തപുരം | ഷാരോണ് വധക്കേസില് ഗ്രീഷ്മയ്ക്കെതിരെ കോടതിയില് ഡിജിറ്റല് തെളിവുമായി പ്രോസിക്യൂഷന്. വിഷത്തിന്റെ പ്രവര്ത്തനരീതി ഗ്രീഷ്മ കൊലപാതകം നടത്തിയ ദിവസം രാവിലെ ഇന്റര്നെറ്റില് തിരഞ്ഞതായി തെളിവ്. നെയ്യാറ്റിന്കര അഡീഷണല് സെഷന്സ് കോടതിയില് നാളെ വിചാരണ തുടരും.
പാരാക്വാറ്റ് എന്ന കളനാശിനിയുടെ മനുഷ്യ ശരീരത്തിലെ പ്രവര്ത്തനരീതിയും വിഷം അകത്ത് ചെന്നാല് ഒരാള് എത്ര നേരം കൊണ്ട് മരിക്കുമെന്നുമാണ് ഗ്രീഷ്മ സെര്ച്ച് നടത്തിയത്. ഷാരോണിന്റെയും ഗ്രീഷ്മയുടെയും ഫോണിലെ ഡിജിറ്റല് തെളിവുകളാണ് കോടതിയില് ഹാജരാക്കിയത്. സൈനിക ഉദ്യോഗസ്ഥനുമായി വിവാഹനിശ്ചയം നടത്തിയതിന് ശേഷം ഗ്രീഷ്മ ഷാരോണുമായി തൃപ്പരപ്പിലെ ഹോട്ടലില് താമസിച്ചിരുന്നു. ഗ്രീഷ്മയെ ഇതേ ഹോട്ടല് മാനേജര് കോടതിയില് നടന്ന വിചാരണയ്ക്കിടെ തിരിച്ചറിഞ്ഞു.
ഗ്രീഷ്മ, അമ്മ സിന്ധു, അമ്മാവന് നിര്മല്കുമാര് എന്നിവരുടെ സഹായത്തോടെ ഷാരോണിനെ കൊലപ്പെടുത്തിയെന്നാണ് കേസ്. പാറശ്ശാല പോലീസ് രജിസ്റ്റര്ചെയ്ത കേസ് പിന്നീട് ക്രൈംബ്രാഞ്ചിന് കൈമാറുകയായിരുന്നു. ക്രൈംബ്രാഞ്ച് സമര്പ്പിച്ച കുറ്റപത്രത്തില് 142 സാക്ഷികളാണുള്ളത്. ഇതില് 131 പേരുടെ വിചാരണയാണ് പുരോഗമിക്കുന്നത്
Latest
പശ്ചിമേഷ്യന് സംഘര്ഷം: വിദേശ കപ്പലുകളില് ജോലി ചെയ്തിരുന്ന മൂന്ന് ഇന്ത്യന് നാവികര് കൊല്ലപ്പെട്ടു
കാർ ക്രെയിനിലിടിച്ച് മൂന്ന് പേർ മരിച്ചു
ഇസ്റാഈല് ആക്രമണത്തില് കൊല്ലപ്പെട്ട വിദ്യാര്ഥികളുടെ മയ്യിത്തുകള് ഒന്നിച്ച് മറവ് ചെയ്ത് ഇറാന്; ചടങ്ങില് പങ്കെടുത്തത് ആയിരങ്ങള്
റിയാദിലെ യു എസ് എംബസിക്ക് നേരെ ഇറാന്റെ ഡ്രോൺ ആക്രമണം; ശക്തമായി അപലപിച്ച് സഊദി അറേബ്യ
ബിഹാറിൽ വീണ്ടും നിർമാണത്തിലിരുന്ന പാലം തകർന്നു
'ശെയ്ത്താനോട് പോരാടുന്നു'; ചർച്ചകൾക്കില്ലെന്ന് ഇറാൻ വിദേശകാര്യ മന്ത്രാലയം
