Kerala
സംസ്ഥാനത്ത് നാളെ സ്വകാര്യ ബസ് സമരം; 22 മുതല്‍ അനിശ്ചിതകാല പണിമുടക്ക്
ബസ് ഉടമകളുമായി ട്രാന്‍സ്പോര്‍ട്ട് കമ്മീഷണര്‍ നടത്തിയ ചര്‍ച്ച പരാജയപ്പെട്ട സാഹചര്യത്തിലാണ് സമരം
തിരുവനന്തപുരം| സംസ്ഥാനത്ത് നാളെ സ്വകാര്യ ബസ് സമരം. ബസ് ഉടമകളുമായി ട്രാന്‍സ്പോര്‍ട്ട് കമ്മീഷണര്‍ നടത്തിയ ചര്‍ച്ച പരാജയപ്പെട്ട സാഹചര്യത്തിലാണ് സമരം. ആവശ്യപ്പെട്ട കാര്യങ്ങളില്‍ സര്‍ക്കാര്‍ തീരുമാനം ഉടന്‍ ഉണ്ടായില്ലെങ്കില്‍ അനിശ്ചിതകാല പണിമുടക്കില്‍ തീരുമാനമെടുക്കുമെന്നു ബസ് ഉടമകളുടെ സംയുക്ത സമരസമിതി വ്യക്തമാക്കി.
വിദ്യാര്‍ത്ഥികളുടെ കണ്‍സെഷന്‍ കാലോചിതമായി വര്‍ധിപ്പിക്കുക, ബസ് ഉടമകളില്‍ നിന്നും അനധികൃതമായി പിഴ ഈടാക്കുന്ന നടപടി അവസാനിപ്പിക്കുക, പെര്‍മിറ്റ് പുതുക്കി നല്‍കുക എന്നീ ആവശ്യങ്ങള്‍ ഉന്നയിച്ചാണ് സമരം പ്രഖ്യാപിച്ചിട്ടുള്ളത്. ബസ് ഉടമകള്‍ ഉന്നയിച്ച വിഷയങ്ങളില്‍ ട്രാന്‍സ്പോര്‍ട്ട് കമ്മീഷണറുടെയും സര്‍ക്കാരിന്റെയും ഭാഗത്തുനിന്നും അനുകൂല സമീപനം ഇല്ലാത്തതിനാല്‍ സമരവുമായി മുന്നോട്ടു പോകാനാണ് തീരുമാനമെന്ന് സംയുക്ത സമരസമിതി അറിയിച്ചു. നാളെ സൂചനാ പണിമുടക്ക് നടത്തുമെന്നും ഉടന്‍ സര്‍ക്കാര്‍ തീരുമാനമെടുത്തില്ലെങ്കില്‍ 22 മുതല്‍ അനിശ്ചിതകാല സമരം ആരംഭിക്കുന്നതില്‍ തീരുമാനമെടുക്കുമെന്നും ടി ഗോപിനാഥന്‍ പറഞ്ഞു.
Latest
ആശുപത്രിയിൽ പിഞ്ചുകുഞ്ഞ് മരിച്ച സംഭവം: ബാലാവകാശ കമ്മീഷന്‍ റിപോര്‍ട്ട് തേടി
ഹിറ്റാച്ചിക്ക് മുകളില്‍ കൂറ്റന്‍ പാറകള്‍ വീണു; തൊഴിലാളികൾ മൂന്ന് മണിക്കൂറിലേറെ പാറകൾക്കടിയിൽ കുടുങ്ങിക്കിടക്കുന്നു
തന്റെ ജീവന്‍ രക്ഷിച്ചത് സ്വകാര്യ അശുപത്രി: മന്ത്രി സജി ചെറിയാന്‍
ശക്തി തീയറ്റേഴ്‌സ് ആന്‍ഡ് ലൈബ്രറി പുസ്തക ചര്‍ച്ച സംഘടിപ്പിച്ചു
പിക്കപ്പ് വാൻ നിയന്ത്രണംവിട്ട് ഇടിച്ച് കാൽനടയാത്രക്കാരി മരിച്ചു
ശക്തമായ മഴ: കണ്ണൂരും കാസർകോടും അഞ്ച് ദിവസം മഞ്ഞ ജാഗ്രത
