International
ഇറാനിനെതിരെ യുദ്ധത്തിനായി അമേരിക്ക ചെലവഴിച്ചത് 47 ബില്യണ്‍ ഡോളറിലധികമെന്ന് പെന്റഗണ്‍
പ്രതിരോധ വകുപ്പ് ജൂലൈ മാസത്തില്‍ നടത്തിയ കണക്കുകളെ അപേക്ഷിച്ച് ഇത് 25 ശതമാനത്തിലധികമാണ്
വാഷിംഗ്ടണ്‍ | ഇറാനുമായുള്ള യുദ്ധത്തിനായി അമേരിക്കന്‍ സൈന്യം ഇതുവരെ 47 ബില്യണ്‍ ഡോളറിലധികം ചെലവഴിച്ചതായി പെന്റഗണ്‍. പ്രതിരോധ വകുപ്പ് ജൂലൈ മാസത്തില്‍ നടത്തിയ കണക്കുകളെ അപേക്ഷിച്ച് ഇത് 25 ശതമാനത്തിലധികമാണ്. നവംബര്‍ മൂന്നിന് നടക്കാനിരിക്കുന്ന തെരഞ്ഞെടുപ്പിന് മുന്നോടിയായി, യുദ്ധം സൃഷ്ടിക്കുന്ന രാഷ്ട്രീയ പ്രത്യാഘാതങ്ങളെ റിപ്പബ്ലിക്കന്‍ പാര്‍ട്ടി നേരിട്ടുകൊണ്ടിരിക്കുമ്പോഴാണ് യുദ്ധച്ചെലവ് വര്‍ദ്ധിക്കുന്നതിനെക്കുറിച്ചുള്ള വിവരങ്ങള്‍ പുറത്തുവരുന്നത്.
ആഗോള ഊര്‍ജ്ജ വിലയിലുണ്ടായ വര്‍ദ്ധനവ് പ്രസിഡന്റ് ഡൊണാള്‍ഡ് ട്രംപിന്റെ ജനപ്രീതി കുറച്ചു. യുദ്ധ നടത്തിപ്പുമായി ബന്ധപ്പെട്ട ചെലവുകളാണ് പെന്റഗണിന്റെ കണക്കുകളിലുള്ളത്. പുതിയ ആയുധങ്ങള്‍ വാങ്ങാന്‍ 29 ബില്യണ്‍ ഡോളറിലധികം ചെലവ് വരുമെന്നാണ് വിലയിരുത്തല്‍. ഫെബ്രുവരിയില്‍ കുറഞ്ഞ കാലയളവ് മാത്രമേ യുദ്ധം നീണ്ടുനില്‍ക്കൂ എന്ന് പറഞ്ഞു കൊണ്ട് ഇസ്‌റാഈലുമായി ചേര്‍ന്നാണ് ട്രംപ് ഇറാനെതിരായ യുദ്ധം ആരംഭിച്ചത്.
ഇറാനിലെ പ്രതിരോധ സംവിധാനങ്ങളെ തകര്‍ക്കാന്‍ ആദ്യം വിലകൂടിയ മിസൈലുകളും പിന്നീട് വിലകുറഞ്ഞ ആയുധങ്ങള്‍ ഉപയോഗിക്കുക എന്നതായിരുന്നു ട്രംപിന്റെ ആദ്യതന്ത്രം. ഏപ്രിലില്‍ വെടിനിര്‍ത്തല്‍ കരാര്‍ നിലവില്‍ വന്നതോടെ മിസൈലുകളും ഡ്രോണുകളും ഉള്‍പ്പെടെയുള്ള പ്രതിരോധ സംവിധാനങ്ങള്‍ ഇറാന്‍ പുനഃസ്ഥാപിച്ചു. തുടര്‍ന്ന് എണ്ണ കയറ്റുമതിയിലൂടെ ലഭിക്കുന്ന വരുമാനം തടയുന്നതിനായി ഇറാനെതിരെ ട്രംപ് നാവിക ഉപരോധവും ഏര്‍പ്പെടുത്തിയിരുന്നു.
Latest
സിറിയന്‍ ആഭ്യന്തര യുദ്ധത്തില്‍ നിന്ന് രക്ഷപ്പെട്ട സ്ത്രീ റിയാദ് വിമാനത്താവള ആക്രമണത്തില്‍ കൊല്ലപ്പെട്ടു
ഇറാനിനെതിരെ യുദ്ധത്തിനായി അമേരിക്ക ചെലവഴിച്ചത് 47 ബില്യണ്‍ ഡോളറിലധികമെന്ന് പെന്റഗണ്‍
ചാഡില്‍ സ്വര്‍ണ്ണ ഖനന മേഖലയിലുണ്ടായ ഏറ്റുമുട്ടലുകളില്‍ എഴുപത്തിരണ്ട് സൈനികര്‍ക്ക് പരുക്ക്
സംസ്ഥാന സ്‌കൂള്‍ കായിക മേള; ആലപ്പുഴയുടെ ടി എം അതുല്‍ വേഗരാജാവ്, പാലക്കാടിന്റെ ആര്‍ ഋതുപര്‍ണ വേഗറാണി
കാലിക്കറ്റ് സര്‍വകലാശാല ഡിപ്പാര്‍ട്ട്‌മെന്റല്‍ സ്റ്റുഡന്റ്‌സ് യൂണിയന്‍ മുഴുവന്‍ സീറ്റിലും എസ് എഫ് ഐ വിജയിച്ചു; സംഘര്‍ഷത്തെ തുടര്‍ന്ന് പഠന വകുപ്പുകള്‍ അടച്ചിട്ടു
കടുത്ത രാഷ്ട്രീയ വിരോധം കാരണം ചിലര്‍ കായിക മേളയെ മോശമാക്കാന്‍ ശ്രമിക്കുന്നു: മന്ത്രി എന്‍ ഷംസുദ്ദീന്‍
