International
ചാഡില്‍ സ്വര്‍ണ്ണ ഖനന മേഖലയിലുണ്ടായ ഏറ്റുമുട്ടലുകളില്‍ എഴുപത്തിരണ്ട് സൈനികര്‍ക്ക് പരുക്ക്
ലിബിയ, നൈജര്‍ എന്നീ രാജ്യങ്ങളുമായി അതിര്‍ത്തി പങ്കിടുന്ന, വലിയ സ്വര്‍ണ്ണ നിക്ഷേപങ്ങളുള്ള ടിബെസ്റ്റി മേഖലയില്‍, ഒക്ടോബര്‍ 14 മുതല്‍ ചാഡ് സൈന്യവും പ്രാദേശിക സായുധ സംഘവും തമ്മില്‍ തുടര്‍ച്ചയായ ഏറ്റുമുട്ടലുകള്‍ നടന്നു വരികയാണ്
ലിബ്രെവില്‍, ഗാബോണ്‍ | ചാഡിലെ വടക്കുപടിഞ്ഞാറന്‍ സ്വര്‍ണ്ണ ഖനന മേഖലയിലുണ്ടായ ഏറ്റുമുട്ടലില്‍ 72 സൈനികര്‍ക്ക് പരുക്കേറ്റിട്ടുണ്ടെന്ന് സൈനിക വൃത്തം അറിയിച്ചു. ലിബിയ, നൈജര്‍ എന്നീ രാജ്യങ്ങളുമായി അതിര്‍ത്തി പങ്കിടുന്ന, വലിയ സ്വര്‍ണ്ണ നിക്ഷേപങ്ങളുള്ള ടിബെസ്റ്റി മേഖലയില്‍, ഒക്ടോബര്‍ 14 മുതല്‍ ചാഡ് സൈന്യവും പ്രാദേശിക സായുധ സംഘവും തമ്മില്‍ തുടര്‍ച്ചയായ ഏറ്റുമുട്ടലുകള്‍ നടന്നു വരികയാണ്. 1960ല്‍ ചാഡിന് സ്വാതന്ത്ര്യം ലഭിച്ചത് മുതല്‍ ഈ സംഘര്‍ഷങ്ങള്‍ നടന്നുവരുന്നു.
ആഫ്രിക്കയുടെ വിവിധ ഭാഗങ്ങളില്‍ നിന്നുള്ള അനധികൃത സ്വര്‍ണ്ണ ഖനനക്കാര്‍, സായുധ സംഘങ്ങള്‍, ചാഡ് സൈന്യം തുടങ്ങിയവരെല്ലാം വിഭവങ്ങള്‍ നേടാന്‍ പരസ്പരം മത്സരിക്കുകയാണ്. പരുക്കേറ്റ സൈനികരെ എല്ലാവരെയും ചാഡിന്റെ തലസ്ഥാനമായ എന്‍ജമേനയിലെ സൈനിക ആശുപത്രിയിലേക്ക് മാറ്റിയിട്ടുണ്ടന്ന് അതികൃധര്‍ അറിയിച്ചു. ഖനന മേഖലയായ മിസ്‌കി നിയന്ത്രിക്കുന്ന ‘മിസ്‌കി സെല്‍ഫ് ഡിഫന്‍സ് കമ്മിറ്റി’ എന്ന സായുധ സംഘം, ഒക്ടോബര്‍ 14ന് നടത്തിയ ആക്രമണത്തില്‍ ഖനന വിഭാഗത്തിലെ രണ്ട് ഉദ്യോഗസ്ഥരെ കൊല്ലപ്പെടുകയും ഒമ്പത് പേര്‍ക്ക് പരുക്കേല്‍പ്പിക്കുകയും ചെയ്തതോടെയാണ് പോരാട്ടം ആരംഭിച്ചത്.
പോരാട്ടം പുനരാരംഭിച്ചതോടെ മിസ്‌കിയിലെ സാഹചര്യം അതീവ സംഘര്‍ഷഭരിതമാണെന്ന് സായുധ സംഘവക്താവ് അഹ്മദ് മൊലിക്കിനി പറഞ്ഞു. വിഷയത്തില്‍ ചാഡ് സര്‍ക്കാര്‍ ഇതുവരെ ഔദ്യോഗിക പ്രസ്താവനയൊന്നും നടത്തിയിട്ടില്ല.
Latest
സിറിയന്‍ ആഭ്യന്തര യുദ്ധത്തില്‍ നിന്ന് രക്ഷപ്പെട്ട സ്ത്രീ റിയാദ് വിമാനത്താവള ആക്രമണത്തില്‍ കൊല്ലപ്പെട്ടു
ഇറാനിനെതിരെ യുദ്ധത്തിനായി അമേരിക്ക ചെലവഴിച്ചത് 47 ബില്യണ്‍ ഡോളറിലധികമെന്ന് പെന്റഗണ്‍
ചാഡില്‍ സ്വര്‍ണ്ണ ഖനന മേഖലയിലുണ്ടായ ഏറ്റുമുട്ടലുകളില്‍ എഴുപത്തിരണ്ട് സൈനികര്‍ക്ക് പരുക്ക്
സംസ്ഥാന സ്‌കൂള്‍ കായിക മേള; ആലപ്പുഴയുടെ ടി എം അതുല്‍ വേഗരാജാവ്, പാലക്കാടിന്റെ ആര്‍ ഋതുപര്‍ണ വേഗറാണി
കാലിക്കറ്റ് സര്‍വകലാശാല ഡിപ്പാര്‍ട്ട്‌മെന്റല്‍ സ്റ്റുഡന്റ്‌സ് യൂണിയന്‍ മുഴുവന്‍ സീറ്റിലും എസ് എഫ് ഐ വിജയിച്ചു; സംഘര്‍ഷത്തെ തുടര്‍ന്ന് പഠന വകുപ്പുകള്‍ അടച്ചിട്ടു
കടുത്ത രാഷ്ട്രീയ വിരോധം കാരണം ചിലര്‍ കായിക മേളയെ മോശമാക്കാന്‍ ശ്രമിക്കുന്നു: മന്ത്രി എന്‍ ഷംസുദ്ദീന്‍
