Kerala
സംസ്ഥാനത്തെ സ്വകാര്യ ആശുപത്രികളിലെ നഴ്സുമാര് ഇന്ന് മുതല് പണിമുടക്കിലേക്ക്
അടിസ്ഥാന ശമ്പളം 40,000 രൂപ ആക്കണമെന്നാണ് സമരക്കാരുടെ ആവശ്യം.
തിരുവനന്തപുരം| സംസ്ഥാനത്തെ സ്വകാര്യ ആശുപത്രികളിലെ നഴ്സുമാര് ഇന്ന് മുതല് പണിമുടക്കിലേക്ക്. മിനിമം വേതനം ഉള്പ്പെടെയുള്ള ആവശ്യങ്ങള് ചൂണ്ടിക്കാട്ടിയാണ് സമരം. ആശുപത്രികളിലെ അത്യാഹിത വിഭാഗങ്ങളില് മാത്രമാകും സേവനം നല്കുക. അത്യാഹിത വിഭാഗങ്ങളില് മൂന്നിലൊന്ന് നഴ്സുമാര് മാത്രമേ ജോലിയില് പ്രവേശിക്കൂ. വാര്ഡ് ഡ്യൂട്ടികളില് നിന്ന് നഴ്സുമാര് വിട്ടു നില്ക്കും. യുണൈറ്റഡ് നഴ്സസ് അസോസിയേഷന്റെ നേതൃത്വത്തില് ഇന്ന് സമരക്കാര് സെക്രട്ടേറിയറ്റിലേക്ക് മാര്ച്ചും സംഘടിപ്പിച്ചിട്ടുണ്ട്. അടിസ്ഥാന ശമ്പളം 40,000 രൂപ ആക്കണമെന്നാണ് സമരക്കാരുടെ ആവശ്യം.
കേരളത്തിലെ ഏകദേശം 490 സ്വകാര്യ ആശുപത്രികളിലെ ആയിരക്കണക്കിന് നഴ്സുമാര് പണിമുടക്കില് പങ്കെടുക്കുമെന്ന് യുണൈറ്റഡ് നഴ്സസ് അസോസിയേഷന് അറിയിച്ചു. ചെറുകിട ക്ലിനിക്കുകള് മുതല് വന്കിട മള്ട്ടി സ്പെഷ്യാലിറ്റി ആശുപത്രികള് വരെയുള്ള നഴ്സുമാര് ജോലി ബഹിഷ്കരിക്കും. ഇതോടെ സംസ്ഥാനത്തെ സ്വകാര്യ ആശുപത്രികളുടെ പ്രവര്ത്തനം തടസ്സപ്പെടാനുള്ള സാധ്യത കൂടുതലാണ്. നഴ്സുമാര് കാലങ്ങളായി ഉന്നയിക്കുന്ന ആവശ്യങ്ങളില് സര്ക്കാര് മെല്ലെപ്പോക്ക് നയം തുടരുകയാണ്. അതിനാല് അനിശ്ചിതകാല സമരമല്ലാതെ മറ്റ് വഴികളില്ലെന്നും യുണൈറ്റഡ് നഴ്സസ് അസോസിയേഷന് വ്യക്തമാക്കി.
Latest
കവടിയാര് കൊട്ടാരത്തില് വന് കവര്ച്ച; നഷ്ടപ്പെട്ടത് രണ്ട് കോടിയോളം രൂപയുടെ സ്വര്ണാഭരണങ്ങള്
കാസര്കോട് ദേശീയപാതയില് വാഹനാപകടം; രണ്ട് കര്ണാടക സ്വദേശികള് മരിച്ചു
ശവ്വാല് ഒന്ന് മുതല് ഉംറ വിസ നിര്ത്തലാക്കുന്നു; ഹജ്ജ് ഒരുക്കങ്ങളുമായി സഊദി അറേബ്യ
ചരക്ക് കപ്പലുകളുടെ സുരക്ഷക്ക് യുദ്ധക്കപ്പലുകള് വിന്യസിച്ചു; നിര്ണായക നീക്കവുമായി ഇന്ത്യ
എയര് ഇന്ത്യയും ഇന്ഡിഗോയും യു എ ഇയിലേക്കുള്ള ഇന്നത്തെ എല്ലാ വിമാന സര്വീസുകളും അടിയന്തരമായി റദ്ദാക്കി
ഇറാനില് നിന്ന് ബാലിസ്റ്റിക് മിസൈല്, ഡ്രോണ് ആക്രമണങ്ങള്; പ്രതിരോധിച്ച് യു എ ഇ
