National
മാസ്‌ക്കിട്ടില്ലെങ്കില്‍ പിഴയില്ല; നിയന്ത്രണങ്ങള്‍ ഇളവ് ചെയ്ത് ഡല്‍ഹിയും
വ്യാഴാഴ്ച ചേര്‍ന്ന ഡല്‍ഹി ഡിസാസ്റ്റര്‍ മാനേജ്‌മെന്റ് അതോറിറ്റി (ഡി ഡി എം എ) യോഗത്തിലാണ് തീരുമാനം.
ന്യൂഡല്‍ഹി | കൊവിഡ് തരംഗം അവസാനിച്ചതിന് പിന്നാലെ നിയന്ത്രണങ്ങളില്‍ ഇളവ് വരുത്തി കൂടുതല്‍ സംസ്ഥാനങ്ങള്‍. ഡല്‍ഹിയില്‍ മാസ്‌ക് ഉപയോഗിക്കാത്തിന് ഇനി പിഴ ഈടാക്കില്ല. വ്യാഴാഴ്ച ചേര്‍ന്ന ഡല്‍ഹി ഡിസാസ്റ്റര്‍ മാനേജ്‌മെന്റ് അതോറിറ്റി (ഡി ഡി എം എ) യോഗത്തിലാണ് തീരുമാനം. അതേസമയം, പകര്‍ച്ചവ്യാധി നിയമം തുടരും. ഡല്‍ഹിയില്‍ കൊവിഡ് സ്ഥിതി പൂര്‍ണമായും നിയന്ത്രണ വിധേയമായിട്ടുണ്ട്.
വ്യാഴാഴ്ച, ഡല്‍ഹി ലെഫ്റ്റനന്റ് ഗവര്‍ണര്‍ അനില്‍ ബൈജാലിന്റെ അധ്യക്ഷതയിലാണ് ഡിസാസ്റ്റര്‍ മാനേജ്‌മെന്റ് യോഗം ചേര്‍ന്നത്. ഡല്‍ഹി മുഖ്യമന്ത്രി അരവിന്ദ് കെജ്രിവാള്‍ യോഗത്തില്‍ വീഡിയോ കോണ്‍ഫറന്‍സിംഗിലൂടെ പങ്കെടുത്തു.
മാസ്‌ക് ധരിക്കാത്തതിന് ഇനി പിഴ ഈടാക്കേണ്ടതില്ലെന്ന് യോഗത്തില്‍ തീരുമാനമായി. ഇതുവരെ മാസ്‌ക് ധരിക്കാത്തവര്‍ക്ക് 500 രൂപ പിഴ ഈടാക്കാന്‍ വ്യവസ്ഥയുണ്ടായിരുന്നു. നേരത്തെ 2000 രൂപ പിഴ ഈടാക്കാന്‍ വ്യവസ്ഥയുണ്ടായിരുന്നെങ്കിലും കഴിഞ്ഞ ഡിഡിഎംഎ യോഗത്തിലാണ് ഇത് കുറച്ചത്.
മഹാരാഷ്ട്രയില്‍ ശനിയാഴ്ച മുതല്‍ എല്ലാ കൊവിഡ് നിയന്ത്രണങ്ങളും നീക്കിയിട്ടുണ്ട്. ഇതിന് പിന്നാലെയാണ് ഡല്‍ഹിയിലും നിയന്ത്രണങ്ങള്‍ ഇളവ് ചെയ്യുന്നത്.
Latest
അമ്പലപ്പുഴയില്‍ കെഎസ്ആര്‍ടിസി ബസ് നിയന്ത്രണം വിട്ട് പാഞ്ഞുകയറി; സൈക്കിളില്‍ വന്ന മൂന്ന് വിദ്യാര്‍ഥികള്‍ക്ക് പരുക്ക്
പീച്ചി ഡാം റിസര്‍വോയറില്‍ കാട്ടാന പ്രസവിച്ചു; കുട്ടി ചെളിയില്‍ കുടുങ്ങി
യുവ അഭിഭാഷകയെ ക്രൂരമായി മര്‍ദ്ദിച്ച സംഭവം; പാര്‍ട്ടി ബന്ധുവായ പ്രതിയെ രക്ഷിക്കാന്‍ സര്‍ക്കാര്‍ ശ്രമിക്കുന്നു: വി ഡി സതീശന്‍
പാതിവില തട്ടിപ്പ്; ആദ്യ കേസില്‍ പ്രതി ആനന്ദകുമാറിന് ജാമ്യം
സൈഡ് കൊടുക്കാത്തതില്‍ പ്രകോപനം; കൊച്ചിയില്‍ യുവാവിനെ കാറിടിച്ച് കൊലപ്പെടുത്തിയ സിഐഎസ്എഫ് ഉദ്യോഗസ്ഥര്‍ അറസ്റ്റില്‍
ഫുട്‌ബോള്‍ കളിക്കിടെ 17 കാരന് ആള്‍ക്കൂട്ട മര്‍ദ്ദനം; തലയോട്ടിക്ക് ക്ഷതമേറ്റു
