യന്ത്രത്തകരാര്‍; നെടുമ്പാശ്ശേരിയില്‍ നിന്നുള്ള ഗള്‍ഫ് എയര്‍ലൈന്‍ വിമാനം വൈകുന്നു

തിരുവനന്തപുരം |  നെടുമ്പാശ്ശേരിയില്‍ നിന്നും ബഹ്റൈനിലേക്ക് പുറപ്പെടേണ്ടിയിരുന്ന ഗള്‍ഫ് എയര്‍ലൈന്‍ വിമാനം മണിക്കൂറുകള്‍ വൈകുന്നു. പുലര്‍ച്ചെ 4.45 നു പുറപ്പെടേണ്ട വിമാനമാണ് വൈകുന്നത്. വിമാനം വൈകിയതിനെ തുടര്‍ന്ന് ദുരിതത്തിലായ യാത്രക്കാര്‍ പ്രതിഷേധവുമായി രംഗത്തെത്തിയിട്ടുണ്ട്.

അതേ സമയം സാങ്കേതിക തകരാര്‍ ആണ് വിമാനം പുറപ്പെടാന്‍ വൈകുന്നതെന്നാണ് അധികൃതരുടെ വിശദീകരണം. വിമാനത്തിന് അകത്തു യാത്രക്കാര്‍ പ്രതിഷേധിക്കുന്നു. യന്ത്രത്തകരാറാണ് പ്രശ്‌നമായത്. വിമാനത്തില്‍ നിന്നും യാത്രക്കാരെ ഹോട്ടലുകളിലേക്ക് മാറ്റുമെന്ന് അധികൃതര്‍ അറിയിച്ചു. യന്ത്ര തകരാര്‍ പരിഹരിക്കാന്‍ ശ്രമം തുടരുകയാണ്‌