lulu group
ലുലു എക്സ്ചേഞ്ച് സെന്റ് സ്മാര്ട്, വിന് സ്മാര്ട് രണ്ടാം പതിപ്പ്
ടെസ്ല മോഡല് ത്രീ കാര്, രണ്ട് കിലോഗ്രാം സ്വര്ണം, രണ്ടര ലക്ഷം ദിര്ഹം വിലമതിക്കുന്ന ഗിഫ്റ്റ് വൗച്ചറുകള് എന്നിവയാണ് സമ്മാനങ്ങള്
അബൂദബി: യു എ ഇയിലെ ഏറ്റവും വലിയ സാമ്പത്തിക സേവന ദാതാക്കളായ ലുലു ഇന്റര്നാഷണല് എക്സ്ചേഞ്ച് മെഗാ നറുക്കെടുപ്പ് സെന്റ് സ്മാര്ട്ട്, വിന് സ്മാര്ട് കാമ്പയിന്റെ രണ്ടാം പതിപ്പ് പുറത്തിറക്കി. സെപ്റ്റംബര് ഒന്ന് മുതല് ഡിസംബര് 31 വരെയാണ് കാമ്പയിന്.
യു എ ഇയിലെ ലുലു എക്സ്ചേഞ്ച് ഔട്ട്ലെറ്റുകളിലൂടെയോ ലുലു മണി മൊബൈല് ആപ്പിലൂടെയോ പണമിടപാടുകള് നടത്തുന്നവരില് നിന്നും നറുക്കെടുത്ത് തിരഞ്ഞെടുക്കുന്ന വിജയികള്ക്ക് ആകര്ഷകമായ സമ്മാനങ്ങള് ലഭിക്കും. ഉപഭോക്താക്കള്ക്ക് നാല് മാസം ദൈര്ഘ്യമുള്ള ഇ-റാഫിള് ഡ്രോ സ്കീം വഴിയാണ് കാമ്പയിന്.
ടെസ്ല മോഡല് ത്രീ കാര്, രണ്ട് കിലോഗ്രാം സ്വര്ണം, രണ്ടര ലക്ഷം ദിര്ഹം വിലമതിക്കുന്ന ഗിഫ്റ്റ് വൗച്ചറുകള് എന്നിവയാണ് സമ്മാനങ്ങള്.
ആഴ്ചയില് ഒന്നിലേറെ തവണ നറുക്കെടുപ്പ് നടത്തും. പ്രതിവാര സമ്മാനങ്ങള് നേടാനും അവസരമുണ്ട്. ഇതിനായി കുറഞ്ഞത് ഒരു ഇടപാടെങ്കിലും ആഴ്ചയില് നടത്തണം. പ്രമോഷന് കാലയളവില് കുറഞ്ഞത് നാല് തവണയെങ്കിലും ഇടപാട് നടത്തുന്നവര്ക്ക് ടെസ്ല മോഡല് ത്രീ നേടാന് അവസരമുണ്ട്.
ലുലു ഇന്റര്നാഷണല് എക്സ്ചേഞ്ചിന് യു എ ഇയിലുടനീളം 83 ശാഖകളുണ്ട്.