Kerala
സന്തോഷ് ട്രോഫിയില്‍ കേരളം-ബംഗാള്‍ കലാശപ്പോരാട്ടം
46മത് തവണ സന്തോഷ് ട്രോഫി ഫൈനലിനൊരുങ്ങുന്ന ബംഗാള്‍ 32 തവണ ജേതാക്കളായിട്ടുണ്ട്
മഞ്ചേരി | സന്തോഷ് ട്രോഫി ടൂര്‍ണമെന്റ് ഫൈനലില്‍ കേരളവും പശ്ചിമ ബംഗാളും ഏറ്റുമുട്ടും. വെള്ളിയാഴ്ച നടന്ന രണ്ടാം സെമിയില്‍ മണിപ്പുരിനെ എതിരില്ലാത്ത മൂന്നു ഗോളുകള്‍ക്കാണ് പശ്ചിമ ബംഗാള്‍ പരാജയപ്പെടുത്തിയത്.് 46മത് തവണ സന്തോഷ് ട്രോഫി ഫൈനലിനൊരുങ്ങുന്ന ബംഗാള്‍ 32 തവണ ജേതാക്കളായിട്ടുണ്ട്. മേയ് രണ്ടിന് രാത്രി എട്ടിന് മഞ്ചേരി പയ്യനാട് സ്റ്റേഡിയത്തിലാണ് കലാശപ്പോരാട്ടം.
മണിപ്പുരിനെതിരേ രണ്ടാം മിനിറ്റില്‍ തന്നെ ലീഡെടുത്തായിരുന്നു ബംഗാളിന്റെ തുടക്കം. ബോക്സിന് പുറത്തുവെച്ച് സുജിത് സിങ് അടിച്ച പന്ത് മണിപ്പുര്‍ ഗോള്‍കീപ്പറുടെ കൈയില്‍ തട്ടി വലയിലെത്തുകയായിരുന്നു. ഏറെ താമസിയാതെ രണ്ടാമത്തെ ഗോളും പിറന്നു.
ഏഴാം മിനിറ്റില്‍ ഫര്‍ദിന്‍ അലി മൊല്ലയാണ് ബംഗാളിന്റെ രണ്ടാം ഗോള്‍ നേടി. പിന്നാലെ 32, 41 മിനിറ്റുകളില്‍ മണിപ്പുരിന് മികച്ച അവസരങ്ങള്‍ ലഭിച്ചെങ്കിലും ലക്ഷ്യം കാണാനായില്ല. 74-ാം മിനിറ്റില്‍ ബംഗാള്‍ മൂന്നാം ഗോളോടെ മത്സരം തങ്ങളുടേതാക്കി മാറ്റുകയായിരുന്നു.
Latest
ശാരീരികമായി ആക്രമിക്കാന്‍ ഇ ഡിക്കെന്ത് അധികാരം?; ശ്രമം സഹകരണ സ്ഥാപനങ്ങളെ തകര്‍ക്കാന്‍: എം വി ഗോവിന്ദന്‍
ഒന്നര വര്‍ഷമായി പലിശ നല്‍കുന്നില്ല; സഹകരണ സൊസൈറ്റിക്കെതിരെ പ്രതിഷേധവുമായി നിക്ഷേപകര്‍
കരുവന്നൂര്‍ ബേങ്ക് തട്ടിപ്പ്: പ്രതി സതീഷ് വെട്ടിച്ചത് കോടികള്‍, ഹൈക്കോടതി അന്വേഷണം വേണമെന്ന് അനില്‍ അക്കര
രാജ്യത്തെ ആദ്യ ഫുട്‌ബോള്‍ ക്ലബ്; ഇത്തിഹാദ് എഫ് സിക്ക് യു എ ഇ അസോസിയേഷന്റെ അംഗീകാരം
'വായ്പാ പണം പിടിച്ചുവാങ്ങി'; കരുവന്നൂര്‍ ബേങ്ക് കേസിലെ ഒന്നാം പ്രതിക്കെതിരെ വായ്പാ തട്ടിപ്പിനിരയായ സ്ത്രീ
അടൂരില്‍ സൂപ്പര്‍ മാര്‍ക്കറ്റിന് തീപിടിച്ചു; ചരക്ക് വ്‌സതുക്കളും മറ്റും കത്തിനശിച്ചു
