Kerala
ഹിയറിങ് നടപടികള് അവസാന ഘട്ടത്തില്; സംസ്ഥാനത്ത് അന്തിമ വോട്ടര് പട്ടിക ഈമാസം 21ന് പ്രസിദ്ധീകരിക്കും
സംസ്ഥാനത്തെ 62 നിയമസഭാ മണ്ഡലങ്ങളില് നോട്ടീസ് നല്കിയ മുഴുവന് പേരുടെയും ഹിയറിങ് നടപടികള് പൂര്ത്തിയായിക്കൊണ്ടിരിക്കുകയാണെന്ന് മുഖ്യ തിരഞ്ഞെടുപ്പ് ഓഫീസര് രത്തന് യു കേല്ക്കര്.
തിരുവനന്തപുരം | സംസ്ഥാനത്ത് നിയമസഭാ തിരഞ്ഞെടുപ്പിന് മുന്നോടിയായുള്ള പുതുക്കിയ അന്തിമ വോട്ടര്പട്ടിക ഈ മാസം 21-ന് പ്രസിദ്ധീകരിക്കും. വോട്ടര്പട്ടിക സമഗ്രമായി പരിഷ്കരിക്കുന്നതിന്റെ അവസാന ഘട്ടത്തിലാണ് തിരഞ്ഞെടുപ്പ് കമ്മീഷന്.
പട്ടിക പുതുക്കലിന്റെ ഭാഗമായി സംസ്ഥാനത്തെ 62 നിയമസഭാ മണ്ഡലങ്ങളില് നോട്ടീസ് നല്കിയ മുഴുവന് പേരുടെയും ഹിയറിങ് നടപടികള് പൂര്ത്തിയായിക്കൊണ്ടിരിക്കുകയാണെന്ന് മുഖ്യ തിരഞ്ഞെടുപ്പ് ഓഫീസര് രത്തന് യു കേല്ക്കര് അറിയിച്ചു. അര്ഹതയുള്ള ഒരാള് പോലും പട്ടികയില് നിന്ന് പുറത്താകില്ലെന്ന് ഉറപ്പുവരുത്താന് കര്ശന നിര്ദേശം നല്കിയിട്ടുണ്ടെന്നും അദ്ദേഹം പറഞ്ഞു.
തിരുവനന്തപുരം, എറണാകുളം ജില്ലകളാണ് ഹിയറിങ് നടപടികള് വേഗത്തില് പൂര്ത്തിയാക്കിയതില് മുന്നില്. ഇരു ജില്ലകളിലും 14 മണ്ഡലങ്ങളില് വീതം ഹിയറിങ് പൂര്ത്തിയായി. പാലക്കാട് 10 മണ്ഡലങ്ങളിലും ആലപ്പുഴയില് ഒമ്പത് മണ്ഡലങ്ങളിലും നടപടികള് പൂര്ത്തിയായിട്ടുണ്ട്. ഡിസംബര് 23-ന് ആരംഭിച്ച ഹിയറിങ് ഇൗ മാസം 14-നാണ് പൂര്ത്തിയാകുക.
Latest
ആഗോള അയ്യപ്പ സംഗമം: മൂന്നു കോടി 40 ലക്ഷം രൂപ നഷ്ടമെന്ന് റിപോര്ട്ട്
ബാരിക്കേഡില് തട്ടി പത്ത് വയസ്സുകാരന്റെ കണ്ണിന് പരുക്കേറ്റു
കുട്ടികളുടെ സാമൂഹിക മാധ്യമ ഉപയോഗം; നിയന്ത്രിക്കുന്നതിന് നിയമനിര്മാണം പരിഗണനയിലെന്ന് മന്ത്രി
ഹിയറിങ് നടപടികള് അവസാന ഘട്ടത്തില്; സംസ്ഥാനത്ത് അന്തിമ വോട്ടര് പട്ടിക ഈമാസം 21ന് പ്രസിദ്ധീകരിക്കും
ആത്മഹത്യാ പ്രേരണ കേസ്: ഷിംജിത മുസ്തഫയുടെ ജാമ്യഹരജിയില് ഇന്ന് വിധി
രാഹുല് മാങ്കൂട്ടത്തില് കേസ്: ആദ്യ പരാതിക്കാരിയെ അധിക്ഷേപിച്ചെന്ന പരാതിയില് അഡ്വ. ദീപ ജോസഫിന്റെ ഹരജി ഇന്ന് പരിഗണിക്കും
