National
എപ്സ്റ്റീന് ഫയല് വിവാദം; എ ഐ ഇംപാക്ട് ഉച്ചകോടിയില് ബില്ഗേറ്റ്സ് പങ്കെടുക്കില്ല
ഉച്ചകോടി പ്രധാനമന്ത്രി നരേന്ദ്രമോദി ഇന്ന് ഉദ്ഘാടനം ചെയ്യും
ന്യൂഡല്ഹി | എല്ലാവര്ക്കും ക്ഷേമം എല്ലാവര്ക്കും സന്തോഷം എന്ന പ്രമേയത്തില് ഇന്ത്യയില് നടക്കുന്ന എ ഐ ഇംപാക്ട് ഉച്ചകോടിയില് അമേരിക്കന് വ്യവസായിയും മൈക്രോസോഫറ്റ് ചെയര്മാനുമായ ബില്ഗേറ്റ്സ് പങ്കെടുക്കില്ല. ഗേറ്റ്സ് ഫൗണ്ടേഷനെ പ്രതിനിധീകരിച്ച് അങ്കൂര് വോറ ഉച്ചകോടിയില് പങ്കെടുക്കും. എപ്സ്റ്റീന് ഫയല് വിവാദത്തിന് പിന്നാലെയാണ് ഉച്ചകോടിയില് നിന്ന് ബില് ഗേറ്റ്സിന്റെ പിന്മാറ്റം.
എ ഐ ഇംപാക്ട് ഉച്ചകോടി പ്രധാനമന്ത്രി നരേന്ദ്രമോദി ഇന്ന് ഉദ്ഘാടനം ചെയ്യും. ഫ്രഞ്ച് പ്രസിഡന്റും ഐക്യരാഷ്ട്രസഭാ സെക്രട്ടറി ജനറലുമടക്കം പ്രമുഖര് പങ്കെടുക്കും. ഈ മാസം പതിനാറിന് ആരംഭിച്ച ഉച്ചകോടിയില് നൂറിലധികം സി ഒമാരും ഗവേഷകരും സര്ക്കാര് പ്രതിനിധികളും പങ്കെടുക്കുന്നുണ്ട്.
അതേസമയം എ ഐ ഉച്ചകോടിയില് കേന്ദ്രസര്ക്കാരിന് എതിരെ വിമര്ശനം ശക്തമാക്കുകയാണ് കോണ്ഗ്രസ്. ഉച്ചകോടിയെ ബി ജെ പി ചൈനീസ് ചന്തയാക്കി മാറ്റിയെന്ന് കോണ്ഗ്രസ് ആരോപിച്ചു. നവീകരണത്തിനും ആശയവിനിമയത്തിനുമുള്ള വേദി ആകേണ്ടിയിരുന്ന ഉച്ചകോടിയെ ബി ജെ പി ചൈനീസ് ചന്തയാക്കി മാറ്റിയെന്ന് കോണ്ഗ്രസ് വക്താവ് പവന് ഖേര പറഞ്ഞു.
ഉച്ചകോടിയില് പങ്കെടുക്കാന് എത്തിയ രാഷ്ട്രതലവന്മാരെയും വിശിഷ്ടാതിഥികളെയും പ്രധാനമന്ത്രി കഴിഞ്ഞദിവസം ഭാരത് മണ്ഡപത്തില് എത്തി സ്വാഗതം ചെയ്തിരുന്നു.
Latest
ഗ്ലാസ് ചിഹ്നം പട്ടികയിലില്ല; പ്രതിസന്ധിയിലായി കോഴിക്കോട് സൗത്തില് അഹമ്മദ് ദേവര് കോവില്
കളമശ്ശേരി എടയാര് വ്യവസായ മേഖലയില് വന് തീപിടിത്തം; ഒരു മരണം
യു പ്രതിഭയ്ക്ക് എതിരെ അധിക്ഷേപം; നടപടിയെടുക്കാന് മുഖ്യ തിരഞ്ഞെടുപ്പ് ഓഫീസര് ആലപ്പുഴ ജില്ലാ കലക്ടര്ക്ക് നിര്ദ്ദേശം നല്കി
വന്ദേ ഭാരത് എക്സ്പ്രസില് യാത്രക്കാരന് നല്കിയ ഭക്ഷണത്തില് ജീവനുള്ള പുഴുക്കള്
ആന്ധ്രാപ്രദേശില് ബസും ടിപ്പറും കൂട്ടിയിടിച്ച് പത്ത് പേര് മരിച്ചു; 20 പേര്ക്ക് പരിക്ക്
എസ് എസ് എല് സി പരീക്ഷ കഴിഞ്ഞ് കനാലില് കുളിക്കാനിറങ്ങിയ വിദ്യാര്ഥി മുങ്ങി മരിച്ചു
