Uae
പൈലറ്റ് പരിശീലന സംവിധാനങ്ങള്ക്ക് 176.1 ദശലക്ഷം ചെലവിട്ട് എമിറേറ്റ്സ്
എയര്ബസ് എ350 വിമാനത്തിന്റെ ഫുള് ഫ്ളൈറ്റ് സിമുലേറ്ററുകളില് 30 പൈലറ്റുമാരുടെയും 820 സര്വീസ് ക്രൂ അംഗങ്ങളുടെയും പരിശീലനം ഇതിനകം പൂര്ത്തിയാക്കി.
ദുബൈ | പുതിയ എയര്ബസ് എ350 വിമാനങ്ങള് ഉള്പ്പെടുത്തുന്നതിന്റെ ഭാഗമായി പൈലറ്റുമാരുടെയും സര്വീസ് ക്രൂവിന്റെയും പരിശീലനത്തിനായി ഏറ്റവും പുതിയ ഉപകരണങ്ങള്ക്കും സംവിധാനങ്ങള്ക്കും എമിറേറ്റ്സ് എയര്ലൈന്സ് ഏകദേശം 48 ദശലക്ഷം ഡോളര് (176.1 ദശലക്ഷം ദിര്ഹം) നിക്ഷേപിച്ചു. നൂതന പൈലറ്റ് സപ്പോര്ട്ട് സിസ്റ്റങ്ങള്, ഫിക്സഡ് ബേസ് ട്രെയിനിംഗ് ഉപകരണം, എമര്ജന്സി ക്യാബിന് ഇവാക്വേഷന് ട്രെയിനിംഗ് മെഷീന്, ഡോര് ട്രെയിനിംഗ് തുടങ്ങിയവ ഉള്പ്പെടുന്നതാണ് ഈ സംവിധാനങ്ങള്.
എ350 വിമാനത്തിനായുള്ള ആദ്യത്തെ ഫുള്-ഫ്ളൈറ്റ് സിമുലേറ്ററിന് യൂറോപ്യന് ഏവിയേഷന് സേഫ്റ്റി ഏജന്സിയില് നിന്ന് ഏറ്റവും ഉയര്ന്ന സര്ട്ടിഫിക്കറ്റായ ലെവല് ഡി സര്ട്ടിഫിക്കറ്റ് എമിറേറ്റ്സിന് ലഭിച്ചിട്ടുണ്ട്. രണ്ടാമത്തെ ഫുള് ഫ്ളൈറ്റ് സിമുലേറ്റര് നിലവില് സ്വീകാര്യതാ ഘട്ടത്തിലാണ്. എയര്ബസ് എ350 വിമാനത്തിന്റെ ഫുള് ഫ്ളൈറ്റ് സിമുലേറ്ററുകളില് 30 പൈലറ്റുമാരുടെയും 820 സര്വീസ് ക്രൂ അംഗങ്ങളുടെയും പരിശീലനം ഇതിനകം പൂര്ത്തിയാക്കി. അടുത്ത നവംബര് അവസാനത്തോടെ 50-ലധികം പൈലറ്റുമാര് കൂടി പരിശീലനം പൂര്ത്തിയാക്കും.
65 എയര്ബസ് എ350 വിമാനങ്ങള്ക്കും 250 ബോയിംഗ് 777എക്സ് വിമാനങ്ങള്ക്കുമാണ് എമിറേറ്റ്സ് എയര്ലൈന്സ് ഓര്ഡറുകള് നല്കിയിരിക്കുന്നത്. അതിനിടെ, എമിറേറ്റ്സ് എയര്ലൈന്സ് തങ്ങളുടെ പുതിയ ട്രാവല് സ്റ്റോര് ലണ്ടനില് തുറന്നു. യൂറോപ്പിലെ ആദ്യത്തേതാണ് ഇത്. ലോകമെമ്പാടും 40 സ്റ്റോറുകള് തുറക്കാനുള്ള പദ്ധതിയുടെ ഭാഗമാണ് സൗത്ത് കെന്സിംഗ്ടണിലെ ക്രോംവെല് സ്ട്രീറ്റിലെ പുതിയ സ്റ്റോര്.
Latest
ഭരണം പിടിക്കാന് സിപിഐഎം 50ലക്ഷം വാഗ്ദാനം ചെയ്തെന്ന് ലീഗ് സ്വതന്ത്രന്റെ ശബ്ദരേഖ; വിജിലന്സ് അന്വേഷണം ആരംഭിച്ചു
ബെല്ലാരിയില് ബാനര് കെട്ടുന്നതിനെച്ചൊല്ലി തര്ക്കം, സംഘര്ഷം; കോണ്ഗ്രസ് പ്രവര്ത്തകന് കൊല്ലപ്പെട്ടു
സംസ്ഥാനത്തെ എല്എസ്എസ്-യുഎസ്എസ് സ്കോളര്ഷിപ്പ് പരീക്ഷകളുടെ പേര് മാറ്റി; മുഖ്യമന്ത്രി നരേന്ദ്രമോദിക്ക് പഠിക്കുന്നുവെന്ന് വിമര്ശനം
വടക്കന് പറവൂരില് പ്രസവത്തിന് പിന്നാലെ യുവതി മരിച്ച സംഭവം; ചികിത്സാപിഴവെന്ന് കുടുംബം; കേസെടുത്ത് പോലീസ്
താജുല് ഉലമയുടെ ഓര്മയില് പ്രസ്ഥാന നായകര്
ജനപ്രതിനിധികള് വിവേചനം കാണിക്കരുത്: ഖലീല് തങ്ങള്
