Kerala
പരീക്ഷയില് ജയിപ്പിക്കാമെന്ന് വാഗ്ദാനം; മെഡിക്കല് വിദ്യാര്ഥിനിയെ പീഡിപ്പിച്ച ഡോക്ടര് അറസ്റ്റില്.
സര്വകലാശാലാ അധികൃതരുമായുള്ള തന്റെ സ്വാധീനം ഉപയോഗിച്ച് മാര്ക്ക് വാങ്ങിത്തരാമെന്ന് പറഞ്ഞ് 22 വയസുകാരിയായ വിദ്യാര്ഥിനിയെ ഇയാള് സമീപിക്കുകയായിരുന്നു.
നീലഗിരി | പരീക്ഷയില് ജയിപ്പിക്കാമെന്ന് വാഗ്ദാനം നല്കി മെഡിക്കല് വിദ്യാര്ഥിനിയെ പീഡിപ്പിച്ച ഡോക്ടര് അറസ്റ്റില്. നീലഗിരി സര്ക്കാര് മെഡിക്കല് കോളജ് ആശുപത്രിയിലെ എമര്ജന്സി വാര്ഡിലെ ഡോക്ടര് ഓം പ്രകാശ്(44) ആണ് അറസ്റ്റിലായത്.
സര്വകലാശാലാ അധികൃതരുമായുള്ള തന്റെ സ്വാധീനം ഉപയോഗിച്ച് മാര്ക്ക് വാങ്ങിത്തരാമെന്ന് പറഞ്ഞ് 22 വയസുകാരിയായ വിദ്യാര്ഥിനിയെ ഇയാള് സമീപിക്കുകയായിരുന്നു. തുടര്ന്ന് സിവകാര്യ ഹോട്ടലിലെത്തിച്ച് മദ്യം നല്കി പീഡിപ്പിക്കുകയും പീഡന ദൃശ്യങ്ങള് ഇയാള് മൊബൈല് ഫോണില് പകര്ത്തുകയും ചെയ്തു.
സംഭവത്തിന് പിന്നാലെ വിദ്യാര്ഥിനിയും അധ്യാപകനും തമ്മിൽ തർക്കമുണ്ടായി. ഹോട്ടൽ മുറിയിൽ ഇരുവരും തമ്മിലുണ്ടായ തർക്കവും പെൺകുട്ടിയുടെ കരച്ചിലും ശ്രദ്ധയിൽപ്പെട്ട ജീവനക്കാരാണ് വിവരം പോലീസിനെ അറിയിച്ചത്. തുടർന്ന് പോലീസ് നടത്തിയ അന്വേഷണത്തിലാണ് പീഡനവിവരം പുറത്തുവന്നത്.
പ്രതിയായ ഓം പ്രകാശ് രണ്ട് വിവാഹം കഴിച്ചിട്ടുണ്ടെങ്കിലും ഇയാള് ഒറ്റയ്ക്കാണ് താമസിക്കുന്നത്. സമാനമായ രീതിയില് ഇയാള് മറ്റ് വിദ്യാര്ഥിനികളെയും കെണിയില്പ്പെടുത്തിയിട്ടുണ്ടോ എന്ന കാര്യവും പോലീസ് അന്വേഷിച്ചുവരികയാണ്.
Latest
തമിഴ്നാട്ടില് കാറിനുള്ളില് നാല് മൃതദേഹങ്ങള് കത്തിക്കരിഞ്ഞ നിലയില്
കുതിപ്പ് തുടര്ന്ന് സ്വര്ണവില; പവന് 880 രൂപ ഉയര്ന്നു
തൊണ്ടിമുതല് കേസില് കനത്ത തിരിച്ചടി; ആന്റണി രാജുവിന് തിരഞ്ഞെടുപ്പില് മത്സരിക്കാനാകില്ല
സ്വർണ്ണം താഴോട്ട്, ഡോളറിനും കുതിപ്പില്ല! ഇറാൻ യുദ്ധത്തിനിടയിൽ നിക്ഷേപകരെ കോടീശ്വരന്മാരാക്കുന്നത് ഈ ഒരൊറ്റ ആസ്തി!
അന്ന് ഭായ്, ഭായ്; ഇന്ന് ശത്രുക്കൾ: പാകിസ്താനും താലിബാനും തമ്മിലുള്ള സൗഹൃദം തകർന്നത് എങ്ങനെ?
സൂരജ് ലാമയുടെ മരണം: നഷ്ടപരിഹാരം ആവശ്യപ്പെട്ട് മകൻ ഹൈക്കോടതിയിൽ ഹര്ജി നൽകി
