Kerala
ആവശ്യങ്ങള് പരിഗണിക്കുന്നില്ല; സര്ക്കാറുമായി നിസ്സഹകരണത്തിന് ഫിലിം ചേംബര്
സര്ക്കാര് തിയേറ്ററുകള്ക്ക് സിനിമ പ്രദര്ശനത്തിന് നല്കേണ്ടെന്നാണ് തീരുമാനം. കെ എസ് എഫ് ഡി സി തിയേറ്ററുകള് ബഹിഷ്കരിക്കുന്നത് തുടക്കം മാത്രം.
കൊച്ചി | സര്ക്കാര് മുമ്പാകെ ഉന്നയിച്ച ആവശ്യങ്ങള് പരിഗണിക്കാത്തതില് പ്രതിഷേധവുമായി കേരള ഫിലിം ചേംബര്. ജി എസ് ടിക്കു പുറമെ വിനോദ നികുതി പിന്വലിക്കണമെന്ന ആവശ്യവും സംസ്ഥാന സര്ക്കാര് പരിഗണിക്കാത്തതിലാണ് പ്രതിഷേധം. വൈദ്യുതി നിരക്കില് പ്രത്യേക താരിഫ് അനുവദിക്കണമെന്ന ആവശ്യവും സംഘടന ഉന്നയിച്ചിരുന്നു.
സിനിമാ മേഖലയില് നിസ്സഹകരണത്തിനാണ് സംഘടനയുടെ നീക്കം. സര്ക്കാര് തിയേറ്ററുകള്ക്ക് സിനിമ പ്രദര്ശനത്തിന് നല്കേണ്ടെന്നാണ് തീരുമാനം. കെ എസ് എഫ് ഡി സി തിയേറ്ററുകള് ബഹിഷ്കരിക്കുന്നത് തുടക്കം മാത്രമാണെന്ന് ഫിലിം ചേംബര് വ്യക്തമാക്കി. ജനുവരി മുതല് സര്ക്കാരുമായി യാതൊരു സഹകരണവുമില്ലെന്നും ചേംബര് പ്രസിഡന്റ് അനില് തോമസ് വാര്ത്താ സമ്മേളനത്തില് അറിയിച്ചു. സിനിമ വ്യവസായത്തില് നിന്ന് നികുതിയിനത്തില് വലിയ വരുമാനം ലഭിച്ചിട്ടും സര്ക്കാരില് നിന്ന് മേഖലക്ക് അനുകൂലമായ നടപടികളൊന്നുമുണ്ടാവില്ലെന്ന് അനില് തോമസ് പറഞ്ഞു.
പത്ത് വര്ഷമായി സര്ക്കാരിന് മുന്നില്വെച്ച ആവശ്യങ്ങളില് ഇതുവരെ അനുകൂലമായ തീരുമാനങ്ങള് ഉണ്ടായിട്ടില്ലെന്ന് ഫിലിം ചേംബര് ആരോപിക്കുന്നു.
Latest
മസ്ജിദുന്നബവിയില് നിന്നും മുഴങ്ങിയിരുന്ന ആ മധുര ശബ്ദം ഇനി ഓര്മ്മ; മുആദ്ദീന് ഷെയ്ഖ് ഫൈസല് ബിന് അബ്ദുല്മാലിക് അല്-നുഅ്മാന് അന്തരിച്ചു
ഐ സി എഫ് ഖത്വര് സ്റ്റുഡന്സ് ഫെസ്റ്റിന് ഉജ്വല സമാപനം
ആള്ക്കൂട്ട കൊലപാതകത്തിനെതിരായ പ്രതിഷേധം; ഇന്ത്യന് സ്ഥാനപതിയെ വിളിച്ചുവരുത്തി ബംഗ്ലാദേശ്
ജനതാദള് (എസ്)ന് ലയിക്കാന് രൂപവത്കരിച്ച പാര്ട്ടിക്ക് അംഗീകാരം; മാത്യു ടി തോമസ് പ്രസിഡന്റാകും
ആവശ്യങ്ങള് പരിഗണിക്കുന്നില്ല; സര്ക്കാറുമായി നിസ്സഹകരണത്തിന് ഫിലിം ചേംബര്
അനധികൃത സ്വത്ത് സമ്പാദന കേസ്; ജയില് ഡി ഐ ജി. എം കെ വിനോദ് കുമാറിനെതിരെ അന്വേഷണമാരംഭിച്ച് വിജിലന്സ്
