ഉ​ത്സ​വ​ത്തി​നി​ടെ സം​ഘ​ർ​ഷം; ഗാനമേള ട്രൂപ്പിന്റെ ലക്ഷങ്ങള്‍ വിലവരുന്ന ഉപകരണങ്ങള്‍ തകര്‍ത്തു

തിരുവനന്തപുരം| ഉത്സവത്തിനിടെയുണ്ടായ സംഘര്‍ഷത്തില്‍ ഗാനമേള ട്രൂപ്പിന്റെ ലക്ഷങ്ങള്‍ വിലവരുന്ന ഉപകരണങ്ങള്‍ തകര്‍ത്തതായി പരാതി. തിരുവനന്തപുരം വട്ടപ്പാറ നമ്പാടില്‍ ശനിയാഴ്ച രാത്രിയിലുണ്ടായ സംഭവത്തില്‍ പോലീസ് കേസെടുത്തു. മദ്യപിച്ചെത്തിയ ഒരു സംഘമാളുകള്‍ സ്റ്റേജിന് മുന്നില്‍ ഡാന്‍സ് കളിക്കാന്‍ ശ്രമിച്ചത് സംഘാടകര്‍ തടഞ്ഞിരുന്നു. പിന്നീട് ഗാനമേള കഴിഞ്ഞ ശേഷം ഇവര്‍ സ്പീക്കറുകളും മറ്റും തകര്‍ക്കുകയായിരുന്നു. സംഘാടകരുടെ വാഹനങ്ങളുടെ ഗ്ലാസും തകര്‍ത്തു.സംഭവത്തില്‍ സ്ഥലത്തുണ്ടായിരുന്ന പോലീസുകാര്‍ ഇടപെട്ടില്ലെന്നും പരാതിയുണ്ട്. പോലീസ് കേസെടുത്തെങ്കിലും ആരെയും അറസ്റ്റ് ചെയ്തിട്ടില്ല.