Kerala
ഉപാധികളോടെ ബോബി ചെമ്മണ്ണൂരിന് ജാമ്യം
മറ്റൊരാളുടെ ശരീരത്തെ കുറിച്ച് പരാമര്‍ശം നടത്തുന്നത് ശരിയല്ലെന്ന് ഹൈക്കോടതി
കൊച്ചി | നടി ഹണി റോസിനെതിരായ ലൈംഗികാധിക്ഷേപ കേസില്‍ വ്യവസായി ബോബി ചെമ്മണ്ണൂരിന് ജാമ്യം. അന്വേഷണ ഉദ്യോഗസ്ഥരുമായി പൂര്‍ണമായും സഹകരിക്കണമെന്നും ആവശ്യപ്പെടുമ്പോഴെല്ലാം ഹാജരാകണമെന്നുമുള്ള വ്യവസ്ഥകളോടെയാണ് ഹൈക്കോടതി സിംഗിള്‍ ബെഞ്ച് ജാമ്യം അനുവദിച്ചത്. ജാമ്യം അനുവദിച്ചുകൊണ്ടുള്ള ഉത്തരവ് വൈകുന്നേരം നാലോടെയാണ് പുറത്തിറങ്ങിയത്.
മറ്റൊരാളുടെ ശരീരത്തെ കുറിച്ച് പരാമര്‍ശം നടത്തുന്നത് ശരിയല്ലെന്ന് കോടതി വിലയിരുത്തി. ബോഡി ഷെയിമിംഗ്് സമൂഹത്തിന് ഉള്‍ക്കൊള്ളാന്‍ കഴിയുന്ന ഒന്നല്ല. ദ്വയാർഥ പ്രയോഗമാണ് പ്രതി നടത്തിയതെന്ന് വ്യക്തമാണ്. ഇത്തരം പരാമര്‍ശങ്ങള്‍ പൊതു സമൂഹത്തില്‍ ഒഴിവാക്കണമെന്നും കോടതി നിര്‍ദേശിച്ചു.
ഹണി റോസിന് അസാമാന്യ മികവില്ലെന്ന ജാമ്യാപേക്ഷയിലെ പരാമര്‍ശത്തെ കോടതി വിമര്‍ശിച്ചിരുന്നു. എന്നാല്‍ ഈ പരാമര്‍ശം പിന്‍വലിക്കുന്നതായി അഭിഭാഷകന്‍ മുഖേന ബോബി ചെമ്മണ്ണൂര്‍ കോടതിയെ അറിയിച്ചു. സാമൂഹിക മാധ്യമ പോസ്റ്റുകളില്‍ ഉള്‍പ്പെടെ മുമ്പും ബോബി ചെമ്മണ്ണൂര്‍ ഇത്തരം പരാമര്‍ശങ്ങള്‍ നടത്തിയതായി പ്രോസിക്യൂഷന്‍ കോടതിയെ അറിയിച്ചു.
ഹൈക്കോടതി ജാമ്യം അനുവദിച്ചതോടെ ആറാം ദിവസമായ ഇന്ന് ബോബി ജയിലില്‍ നിന്ന് പുറത്തിറങ്ങും. ബോബിയെ പിന്തുണക്കുന്നവര്‍ ജയിലിന് പുറത്ത് സ്വീകരണമൊരുക്കുമെന്നാണ് സൂചന.
Latest
മലയാള ചലച്ചിത്ര അവാര്‍ഡ് പ്രഖ്യാപിച്ചു ; മികച്ച ചിത്രം: മഞ്ഞുമ്മല്‍ ബോയ്‌സ്, മികച്ച നടന്‍ മമ്മൂട്ടി-ഭ്രമയുഗം
ട്രെയിനില്‍ നിന്ന് യുവതിയെ തള്ളിയിട്ട സംഭവം: ശ്രീക്കുട്ടിയുടെ നില അതീവ ഗുരുതരം, മതിയായ ചികിത്സ കിട്ടുന്നില്ലെന്ന ആരോപണവുമായി കുടുംബം
താമരശ്ശേരി ഫ്രഷ് കട്ട്; വീണ്ടും സമരത്തിനൊരുങ്ങി സമരസമിതി
മെയില്‍ വന്നു; അര്‍ജന്റീന ടീം മാര്‍ച്ചില്‍ കേരളത്തിലെത്തുമെന്ന് കായിക മന്ത്രി വി അബ്ദുറഹിമാന്‍
ശബരിമല സ്വര്‍ണക്കവര്‍ച്ച; രണ്ടാമത്തെ കേസിലും ഉണ്ണിക്യഷ്ണന്‍ പോറ്റിയുടെ അറസ്റ്റ് രേഖപ്പെടുത്തി
കണ്ണൂരില്‍ മൂന്ന് മാസം പ്രായമുള്ള കുഞ്ഞ് കിണറ്റില്‍ വീണ് മരിച്ചു
