കഞ്ചാവുമായി ബിഹാര്‍ സ്വദേശി അറസ്റ്റില്‍

പത്തനംതിട്ട | കഞ്ചാവുമായി യുവാവ് അറസ്റ്റില്‍. ബിഹാര്‍ ഭഗല്‍പുര്‍ സ്വദേശി ലാടു മണ്ഡല്‍ (28) ആണ് അറസ്റ്റിലായത്. അടൂര്‍ കോട്ടമുകളിലെ താമസസ്ഥലത്തു നിന്നാണ് ഇയാള്‍ പിടിയിലായത്. പത്തനംതിട്ട ജില്ലാ പോലീസ് മേധാവിക്ക് ലഭിച്ച രഹസ്യവിവരത്തെ തുടര്‍ന്ന് നടത്തിയ റെയ്ഡിലാണ് അറസ്റ്റ്.

അടൂരും പരിസരങ്ങളിലും അതിഥി തൊഴിലാളികള്‍ക്ക് ഇയാള്‍ കഞ്ചാവ് കച്ചവടം ചെയ്തുവരികയായിരുന്നു. അടൂര്‍ ഡി വൈ എസ് പി. ജി സന്തോഷ് കുമാറിന്റെ മേല്‍നോട്ടത്തില്‍, അടൂര്‍ പോലീസ് ഇന്‍സ്‌പെക്ടര്‍ ശ്യാം മുരളിയുടെ നേതൃത്വത്തിലാണ് പ്രതിയെ കസ്റ്റഡിയിലെടുത്തത്. പിന്നീട് അറസ്റ്റ് രേഖപ്പെടുത്തുകയായിരുന്നു.

റെയ്ഡുകള്‍ തുടരുമെന്ന് ജില്ലാ പോലീസ് മേധാവി പറഞ്ഞു.