Kerala
എന്‍ എസ് എസ് ജനറല്‍ സെക്രട്ടറി ജി സുകുമാരന്‍ നായര്‍ക്കെതിരെ അറസ്റ്റ് വാറന്റ്
സുകുമാരന്‍ നായര്‍ അടുത്ത മാസം നേരിട്ട് കോടതിയില്‍ ഹാജരാകണം.
കൊച്ചി | കമ്പനി നിയമങ്ങള്‍ പാലിച്ചല്ല എന്‍എസ്എസ് പ്രവര്‍ത്തിക്കുന്നതെന്ന പരാതിയില്‍ എന്‍എസ്എസ് ജനറല്‍ സെക്രട്ടറി ജി സുകുമാരന്‍ നായര്‍ക്ക് കോടതി അറസ്റ്റ് വാറണ്ട് പുറപ്പെടുവിച്ചു. എറണാകുളം അഡീഷണല്‍ സെഷന്‍സ് കോടതിയാണ് അറസ്റ്റ് വാറണ്ട് പുറപ്പെടുവിച്ചത്.എന്‍എസ്എസ് മുന്‍ ഡയറക്ടര്‍ ബോര്‍ഡ് അംഗം ഡോ വിനോദ് കുമാറിന്റെ പരാതിയിലാണ് നടപടി. പല തവണ നോട്ടീസ് നല്‍കിയിട്ടും സുകുമാരന്‍ നായര്‍ ഹാജരായിരുന്നില്ല. തുടര്‍ന്നാണ് കോടതി അറസ്റ്റ് വാറണ്ട് പുറപ്പെടുവിച്ചത്.സുകുമാരന്‍ നായര്‍ അടുത്ത മാസം നേരിട്ട് കോടതിയില്‍ ഹാജരാകണം.
എന്‍എസ്എസ് ഡയറക്ടര്‍ ബോര്‍ഡ് അംഗങ്ങള്‍ക്കും സെഷന്‍സ് കോടതി നോട്ടീസ് അയച്ചിട്ടുണ്ട്. ജനറല്‍ സെക്രട്ടറിയും അംഗങ്ങളും സെപ്തംബര്‍ 27ന് സെഷന്‍സ് കോടതിയില്‍ നേരിട്ട് ഹാജരാകണം. എന്‍എസ്എസ് ഭാരവാഹികളും ഡയറക്ടര്‍മാരും നിയമം ലംഘിച്ച് കമ്പനി ഭരണത്തില്‍ അനര്‍ഹമായി തുടരുന്നുവെന്നായിരുന്നു ഹരജിയിലെ ആരോപണം.എന്‍എസ്എസ് നേതൃത്വം കമ്പനി രജിസ്ട്രാര്‍ക്ക് നല്‍കിയ രേഖകള്‍ക്ക് നിയമസാധുതയില്ലെന്നും ഹര്‍ജിയില്‍ ആരോപിച്ചിരുന്നു. സെപ്തംബര്‍ 27 ന് ഹരജി കോടതി വീണ്ടും പരിഗണിക്കും.
Latest
കണ്ണൂര്‍ സഹകരണ ബേങ്കിലെ പണയ സ്വര്‍ണം തട്ടിയ കേസ്; മുന്‍ സിപിഎം ബ്രാഞ്ച് സെക്രട്ടറി അറസ്റ്റില്‍
എ രാജ സംവരണത്തിന് അര്‍ഹന്‍; തിരഞ്ഞെടുപ്പ് വിജയം ശരിവെച്ച് സുപ്രീംകോടതി
കണ്ണൂരില്‍ 115 ഗ്രാം കഞ്ചാവുമായി സിനിമ പ്രവര്‍ത്തകന്‍ അറസ്റ്റില്‍
കീറ്റോ ഡയറ്റിൽ കഴിക്കേണ്ട അഞ്ച് ഭക്ഷണങ്ങൾ
ഷാർജ കുട്ടികളുടെ വായനോത്സവം: 1.25 ലക്ഷം സന്ദർശകർ പങ്കെടുത്തു
കുതിച്ചുയര്‍ന്ന് സ്വര്‍ണവില; ഇന്ന് 2000 രൂപയുടെ വര്‍ധന
