tripura vhp attack
ത്രിപുരയിലെ മുസ്ലിം വേട്ട റിപ്പോര്‍ട്ട് ചെയ്ത വനിതാ മാധ്യമ പ്രവര്‍ത്തകര്‍ക്കെതിരെ കേസ്
വിശ്വ ഹിന്ദു പരിഷത്തിന്റെ നേതാവിന്റെ പരാതിയിലാണ് ഇവര്‍ക്കെതിരെ കേസെടുത്തിരിക്കുന്നത്
അഗര്‍ത്തല | ത്രിപുരയില്‍ മുസ്ലിംകള്‍ക്കെതിരായ സംഘ പരവാര്‍ ആക്രമണം റിപ്പോര്‍ട്ട് ചെയ്ത രണ്ട് വനിതാ മാധ്യമപ്രവര്‍ത്തകര്‍ക്കെതിരെ കേസ്. കേസ് എടുത്ത് ഇവരെ അസം- ത്രിപുര അതിര്‍ത്തിയോട് ചേര്‍ന്നുള്ള അസമിലെ കരിംഗഞ്ചിലെ നിലാംബസാര്‍ പോലീസ് സ്‌റ്റേഷനില്‍ നിലവില്‍ പിടിച്ചുവെച്ചിരിക്കുകയാണ്. മതസൗഹാര്‍ദ്ദാന്തരീക്ഷം തകര്‍ക്കാന്‍ ശ്രമിച്ചു, സമാധാനാന്തരീക്ഷം തകര്‍ക്കാന്‍ ലക്ഷ്യമിട്ടുകൊണ്ട് അപവാദ പ്രചരണം നടത്തി എന്നീ ആരോപണങ്ങളാണ് ഇവര്‍ക്കെതിരെ ഉയര്‍ന്നിരിക്കുന്നത്.
എച് ഡബ്ലൂ ന്യൂസ് നെറ്റ്വര്‍ക്കിലെ മാധ്യമപ്രവര്‍ത്തകരായ സമൃദ്ധി കെ ശകുനിയ, സ്വര്‍ണ്ണാ ഝാ എന്നിവരെയാണ് കേസെടുത്ത് കസ്റ്റഡിയില്‍ എടുത്തിരിക്കുന്നത്. വിശ്വ ഹിന്ദു പരിഷത്തിന്റെ നേതാവിന്റെ പരാതിയിലാണ് ഇവര്‍ക്കെതിരെ കേസെടുത്തിരിക്കുന്നത്. ഇവരെ ഇവര്‍ താമസിക്കുന്ന ഹോട്ടലില്‍ എത്തിയാണ് കസ്റ്റഡിയില്‍ എടുത്തിരിക്കുന്നത്.
ക്രമിനല്‍ ഗൂഢാലോചനക്കുള്ള ഐ പി സി സെക്ഷന്‍ 120 ബി, വിവിധ വിഭാഗങ്ങള്‍ തമ്മില്‍ ശത്രുത ഉണ്ടാക്കാന്‍ ശ്രമിച്ചതിനുള്ള 153 എ, സമാധാനനാന്തരീക്ഷം തകര്‍ക്കാന്‍ ശ്രമിച്ചതിന് 504 എന്നീ വകുപ്പുകള്‍ ചേര്‍ത്താണ് ഇവര്‍ക്കെതിരെ കേസ് എടുത്തിരിക്കുന്നത്.
Latest
പ്രവാസിയുടെ മൃതദേഹം 14 ദിവസത്തിനു ശേഷം നാട്ടിലേക്ക്
പെണ്‍ബന്ധങ്ങളെ എതിര്‍ത്ത വീട്ടുകാര്‍ക്ക് വിദ്യാര്‍ഥി വിഷം നല്‍കി; അമ്മയും മുത്തച്ഛനും മരിച്ചു
എസ് രാജേന്ദ്രനെ ബി ജെ പി നേതാക്കള്‍ സന്ദര്‍ശിച്ചു
ജ്വല്ലറികളിലേക്ക് മൊത്തമായി വിതരണം ചെയ്യാനെത്തിച്ച സ്വര്‍ണ്ണം മലപ്പുറം താനൂരില്‍ അഞ്ചംഗ സംഘം കവര്‍ന്നു
നിയന്ത്രണംവിട്ട കാര്‍ തുണിക്കടയിലേക്ക് ഇടിച്ചുകയറി അപകടം; അഞ്ച് പേര്‍ക്ക് പരുക്ക്
കെഎസ്ആര്‍ടിസി ബസ് ഇടിച്ച് ഇരുചക്രവാഹന യാത്രികൻ മരിച്ചു
