National
ഉത്തരാഖണ്ഡിലെ ബിജെപി മന്ത്രിയും മകനും കോണ്ഗ്രസില് ചേര്ന്നു
ബിജെപി നേതാവും ഗതാഗത വകുപ്പ് മന്ത്രിയുമായ യശ്പാല് ആര്യയും മകന് സഞ്ജീവ് ആര്യയുമാണ് കോണ്ഗ്രസില് ചേര്ന്നത്. സഞ്ജീവ് ആര്യ എംഎല്എ കൂടിയാണ്.
ന്യൂഡല്ഹി| ഉത്തരാഖണ്ഡ് ബിജെപി നേതാവും ഗതാഗത വകുപ്പ് മന്ത്രിയുമായ യശ്പാല് ആര്യയും മകന് സഞ്ജീവ് ആര്യയും കോണ്ഗ്രസില് ചേര്ന്നു. സംസ്ഥാനത്ത് തെരഞ്ഞെടുപ്പ് അടുത്തിരിക്കെയാണ് മന്ത്രിയുടെയും മകന്റെയും കൂടുമാറ്റം. സഞ്ജീവ് ആര്യ എംഎല്എ കൂടിയാണ്.
യശ്പാല് നേരത്തെ സംസ്ഥാന കോണ്ഗ്രസ് അധ്യക്ഷനായിരുന്നു. 2007-2017 കാലഘട്ടത്തിലായിരുന്നു അദ്ദേഹം പിസിസി പ്രസിഡന്റായിരുന്നത്. കോണ്ഗ്രസ് നേതാക്കളായ ഹരീഷ് റാവത്ത്, രന്ദീപ് സിങ് സുര്ജെവാല, കെ.സി.വേണുഗോപാല് എന്നിവരുടെ സാന്നിധ്യത്തില് ഡല്ഹിയിലെത്തിയായിരുന്നു യശ്പാല് പാര്ട്ടി പ്രവേശനം നേടിയത്. രാഹുല് ഗാന്ധിയുമായി അദ്ദേഹം കൂടിക്കാഴ്ച നടത്തി. ഉത്തര്പ്രദേശ്, ഉത്തരാഖണ്ഡ്, പഞ്ചാബ്, മണിപ്പൂര്, ഗോവ എന്നീ സംസ്ഥാനങ്ങളില് അടുത്ത വര്ഷമാണ് നിയമസഭാ തെരഞ്ഞെടുപ്പ് നടക്കുക.