National
ഓടികൊണ്ടിരുന്ന സ്വകാര്യ ബസില്‍വെച്ച് 20കാരിയെ പീഡിപ്പിച്ചു; ഒരാള്‍ അറസ്റ്റില്‍
ഡ്രൈവറുടെ കാബിനില്‍ വെച്ചാണ് പീഡിപ്പിച്ചത്. യാത്ര പുറപ്പെട്ട ശേഷം ബസ് ജീവനക്കാര്‍, ഈ കാബിന്‍ ഉള്ളില്‍ നിന്ന് പൂട്ടുകയും പാട്ട് ഉറക്കെ വെക്കുകയും ചെയ്തു.
കാണ്‍പൂര്‍| ഓടികൊണ്ടിരുന്ന സ്വകാര്യ ബസില്‍ 20കാരി പീഡനത്തിനിരയായി. ഡ്രൈവറുടെ കാബിനില്‍ വെച്ചാണ് പീഡിപ്പിച്ചത്. കഴിഞ്ഞ ശനിയാഴ്ച രാത്രിയാണ് സംഭവം. ഉത്തര്‍പ്രദേശിലെ കാണ്‍പൂരില്‍ നിന്നും രാജസ്ഥാനിലെ ജയ്പൂരിലേക്ക് യാത്ര ചെയ്യുകയായിരുന്ന ദളിത് യുവതിയാണ് പീഡനത്തിനിരയായത്.
രാജസ്ഥാനിലെത്തും മുന്‍പ് ബസ് ജീവനക്കാരായ ആരിഫ് ഖാന്‍(22), ലളിത് കുമാര്‍(24) എന്നിവരാണ് യുവതിയെ പീഡിപ്പിച്ചത്. ആരിഫിനെ അറസ്റ്റ് ചെയ്തതായി രാജസ്ഥാന്‍ പോലീസ് അറിയിച്ചു. ഒളിവില്‍ പോയ ലളിത് എന്ന യുവാവിനായി തിരച്ചില്‍ ഊര്‍ജ്ജിതമാക്കിയതായും ഉടന്‍ പിടികൂടുമെന്നും പോലീസ് പറഞ്ഞു.
ജോലി ആവശ്യാര്‍ത്ഥം ജയ്പൂരിലേക്ക് പോവുകയായിരുന്നു യുവതി. തിരക്കേറിയ ബസായതിനാലാണ് പെണ്‍കുട്ടി ഡ്രൈവറുടെ കാബിനില്‍ കയറി ഇരുന്നത്. യാത്ര പുറപ്പെട്ട ശേഷം ബസ് ജീവനക്കാര്‍, ഈ കാബിന്‍ ഉള്ളില്‍ നിന്ന് പൂട്ടുകയും പാട്ട് ഉറക്കെ വെക്കുകയും ചെയ്തു. ഇതിനാല്‍ പീഡനവിവരം മറ്റ് യാത്രക്കാര്‍ അറിഞ്ഞില്ല.
തുടര്‍ന്ന് യുവതി എമര്‍ജന്‍സി അലാറം മുഴക്കി മറ്റ് യാത്രക്കാരെ വിവരം അറിയിക്കുകയായിരുന്നു. ബസ് നിര്‍ത്തിയപ്പോഴാണ് ലളിത് ഓടി രക്ഷപ്പെട്ടത്. ആരിഫിനെ യാത്രക്കാര്‍ ചേര്‍ന്ന് പിടികൂടി പോലീസില്‍ ഏല്‍പ്പിക്കുകയായിരുന്നു.
Latest
ലൈംഗികാതിക്രമം ; പ്രജ്വല്‍ രേവണ്ണ ഉടന്‍ കീഴടങ്ങിയേക്കും
തിരുവനന്തപുരത്തും ആലപ്പുഴയിലും കടലാക്രമണം ; തീരദേശത്തുള്ളവരെ മാറ്റിപ്പാര്‍പ്പിച്ചു
എയര്‍ കൂളറില്‍ നിന്ന് ഷോക്കേറ്റ് രണ്ട് വയസ്സുകാരന്‍ മരിച്ചു
പ്രചാരണത്തിന് പണമില്ല ; പത്രിക പിന്‍വലിച്ച സുചാരിത മൊഹന്തിക്ക് പകരം കോണ്‍ഗ്രസ് പുതിയ സ്ഥാനാര്‍ഥിയെ പ്രഖ്യാപിച്ചു
മൂന്നാം ഘട്ട വോട്ടെടുപ്പ് ; പരസ്യ പ്രചാരണം ഇന്ന് അവസാനിക്കും
താനൂര്‍ കസ്റ്റഡി കൊലപാതകം ; സിബിഐ നാളെ കസ്റ്റഡി അപേക്ഷ സമര്‍പ്പിക്കും
