ഐ എന്‍ എല്ലില്‍ അച്ചടക്ക ലംഘനം വെച്ചു പൊറുപ്പിക്കില്ല: മുഹമ്മദ് സുലൈമാന്‍

കോഴിക്കോട്  | ഐ എന്‍ എല്ലില്‍ അച്ചടക്ക ലംഘനം വെച്ചുപൊറിപ്പിക്കില്ലെന്ന് ദേശീയ പ്രസിഡന്റ് മുഹമ്മദ് സുലൈമാന്‍. പാര്‍ട്ടിയുടെ സ്ഥാപകന്‍ ഇബ്‌റാഹീം സുലൈമാന്‍ സേട്ട് അച്ചടക്കത്തിന് ഏറെ പ്രാധാന്യം കല്‍പ്പിച്ചിട്ടുണ്ട്.

എന്നാല്‍, കഴിഞ്ഞ ദിവസം കൊച്ചിയില്‍ നടന്ന ഐ എന്‍ എല്‍ സംസ്ഥാന നേതൃയോഗത്തിലുണ്ടായ സംഭവവികാസങ്ങള്‍ ഞെട്ടിക്കുന്നതാണ്. സംസ്ഥാന സെക്രട്ടറിയേറ്റില്‍ നിന്ന് ഇറങ്ങിപ്പോയതിനും സംഘര്‍ഷഭരിതമായ അന്തരീക്ഷം സൃഷ്ടിച്ചതിനുമാണ് സംസ്ഥാന പ്രസിഡന്റിനും മറ്റ് ഏഴ് നേതാക്കള്‍ക്കെതിരെയും നടപടിയെടുത്തതെന്ന് അദ്ദേഹം വാര്‍ത്താ കുറിപ്പിലൂടെ വിശദീകരിച്ചു.