Kerala
വിസ്മയയുടെ മരണം: ഐ ജി നേരിട്ടെത്തി ഇന്ന് തെളിവെടുപ്പ് നടത്തും
കൊല്ലം | സ്ത്രീധന പീഡനത്തെ തുടര്ന്ന് ശാസ്താംകോട്ട പോരുവഴി സ്വദേശിനി വിസ്മയ ആത്മഹത്യ ചെയ്ത സംഭവത്തില് കേസിന്റെ മേല്നോട്ട ചുമതലയുള്ള ഐ ജി ഹര്ഷിത അട്ടല്ലൂരി ഇന്ന് നേരിട്ടെത്തി തെളിവ് ശേഖരിക്കും. വിസ്മയയുടെ അന്തിമ പോസ്റ്റ്മോര്ട്ടം റിപ്പോര്ട്ട് വന്ന ശേഷം പ്രതി കിരണിനെതിരെ കൂടുതല് വകുപ്പുകള് ചുമത്താനാണ് പോലീസ് പദ്ധതിയിടുന്നത്. റിമാന്ഡിലുള്ള പ്രതിയെ പോലീസ് കസ്റ്റഡിയില് ആവശ്യപ്പെടും.
വിസ്മയയുടെ മരണത്തില് അന്വേഷണം ഭര്ത്താവ് കിരണിന്റെ വീട്ടുകാരിലേക്ക് കൂടി നീളുകയാണ്. കേസിന്റെ മേല്നോട്ട ചുമതലയുള്ള ദക്ഷിണ മേഖലാ ഐ ജി ഹര്ഷിത അട്ടല്ലൂരി രാവിലെ തന്നെ ഇരു വീടുകളിലും നേരിട്ടെത്തി തെളിവുകള് ശേഖരിക്കും. രാവിലെ 11 മണിക്ക് നിലമേല് കൈതോടുള്ള വിസ്മയയുടെ വീട്ടിലാകും ആദ്യ സന്ദര്ശനം. പിന്നീട് ശാസ്താംകോട്ട പോരുവഴിയിലുള്ള കിരണിന്റെ വീട്ടിലേക്ക് 12.30 ന് പോകും. ഉദ്യോഗസ്ഥരുമായി ഇന്നലെ ഓണ്ലൈനിലൂടെ അന്വേഷണ പുരോഗതി വിലയിരുത്തിയ ഹര്ഷിത അട്ടല്ലൂരി ഇന്ന് ഇവരെ നേരില് കാണും. ഉച്ച്ക്ക് ഒരു മണിക്കാണ് ഉദ്യോഗസ്ഥ യോഗം.
കൊട്ടാരക്കര സബ്ജയിലില് റിമാന്ഡില് കഴിയുന്ന പ്രതി കിരണിനെ പോലീസ് ജുഡീഷ്യല് കസ്റ്റഡിയില് ആവശ്യപ്പെടും. അന്തിമ പോസ്റ്റ്മോര്ട്ടം റിപ്പോര്ട്ട് വന്ന ശേഷമാകും പ്രതിയെ കസ്റ്റഡിയില് ആവശ്യപ്പെടുക.
Latest
ഇന്ഡിഗോ പ്രതിസന്ധി: 'കണക്കുകൂട്ടലുകള് പിഴച്ചു'; കുറ്റസമ്മതവുമായി സി ഇ ഒ
പുടിന് പിന്നാലെ സെലന്സ്കിയും ഇന്ത്യയിലേക്ക്; സന്ദര്ശന തീയതികള് സംബന്ധിച്ച ചര്ച്ച തുടങ്ങി
സര്വീസുകള് റദ്ദാക്കുന്നത് തുടര്ന്ന് ഇന്ഡിഗോ; ഇന്ന് ഒഴിവാക്കിയത് തിരുവനന്തപുരത്ത് നിന്നുള്ള അഞ്ച് വിമാനങ്ങള്
ശബരിമല സ്വര്ണക്കൊള്ളക്ക് പിന്നില് അന്താരാഷ്ട്ര കള്ളക്കടത്ത് സംഘം; എസ് ഐ ടിക്ക് കത്ത് നല്കി ചെന്നിത്തല
ഗോവ തീപിടുത്തം: അനുശോചിച്ച് രാഷ്ട്രപതിയും പ്രധാനമന്ത്രിയും; മരിച്ചവരുടെ കുടുംബങ്ങൾക്ക് ധനസഹായം
കൊല്ലം കൊട്ടിയത്തെ ദേശീയപാതാ തകര്ച്ച; വിദഗ്ധ സമിതി റിപോര്ട്ട് ഉടന്
