Kerala
കാറിടിച്ച് സ്കൂട്ടര് യാത്രക്കാരി മരിച്ച സംഭവം: എ എസ് ഐ അറസ്റ്റില്
റാന്നി | കാറിടിച്ച് സ്കൂട്ടര് യാത്രക്കാരി മരിക്കാനിടയായ സംഭവത്തില് റാന്നി പോലീസ് സ്റ്റേഷനിലെ എ എസ് ഐ. വിനോദ് പി മധുവിനെ അറസ്റ്റ് ചെയ്തു. പേട്ട മാവേലി സ്റ്റോറിലെ താത്ക്കാലിക ജീവനക്കാരി ചാലാപ്പള്ളി പുലിയുറുമ്പില് വീട്ടില് ഗോപാലകൃഷ്ണന് നായരുടെ ഭാര്യ പി എസ് മിനികുമാരി (49) മരിക്കാനിടയായ സംഭവത്തിലാണ് അറസ്റ്റ്. വിനോദ് ഓടിച്ച കാറിടിച്ചാണ് മിനികുമാരി മരിച്ചതെന്ന് പോലീസ് കണ്ടെത്തിയിരുന്നു.
വെള്ളിയാഴ്ച വൈകിട്ടാണ് വിനോദിന്റെ കാര് എസ് ബി ഐ ജീവനക്കാരി ഓടിച്ച സ്കൂട്ടറിന് പിന്നിലിടിച്ചത്. സ്കൂട്ടറിന്റെ പിന്നിലിരിക്കുകയായിരുന്ന മിനികുമാരി റോഡില് തലയിടിച്ചു വീഴുകയായിരുന്നു. ഗുരുതരമായി പരുക്കേറ്റ മിനികുമാരി മരണപ്പെട്ടു. അപകടത്തില് എസ് ബി ഐ ജീവനക്കാരിക്കും പരുക്കേറ്റിരുന്നു. അപകടത്തിനു ശേഷം നിര്ത്താതെ പോയ കാര് കണ്ടെത്താന് പോലീസ് തിരച്ചില് നടത്തിയിരുന്നു. സംശയത്തിന്റെ അടിസ്ഥാനത്തില് വെള്ളിയാഴ്ച രാത്രി പോലീസ് വിനോദിന്റെ വീട്ടില് എത്തിയെങ്കിലും കാണാന് കഴിഞ്ഞില്ല. ശനിയാഴ്ച രാവിലെ വിനോദ് അപകട വിവരം സ്റ്റേഷനില് അറിയിക്കുകയായിരുന്നു. അന്നു തന്നെ കാര് കസ്റ്റഡിയിലെടുത്ത് ഫോറന്സിക് വിദഗ്ധര് തെളിവെടുപ്പ് നടത്തി.
ഇന്ന് രാവിലെയാണ് വിനോദിനെ അറസ്റ്റ് ചെയ്തതെന്ന് ഇന്സ്പെക്ടര് ജി ബി മുകേഷ് അറിയിച്ചു. മനപ്പൂര്വമല്ലാത്ത നരഹത്യയ്ക്കു കേസെടുത്ത വിനോദിനെ പിന്നീട് ജാമ്യത്തില് വിട്ടു. മോട്ടോര് വെഹിക്കിള് ഇന്സ്പെക്ടര് പരിശോധിച്ച ശേഷം കാര് നാളെ കോടതിയില് ഹാജരാക്കും. പ്രത്യേക അന്വേഷണ റിപ്പോര്ട്ട് ജില്ലാ പോലീസ് മേധാവിക്ക് നല്കിയെന്നും ഇന്സ്പെക്ടര് പറഞ്ഞു.
Latest
പാകിസ്ഥാനില് സൈനിക ക്യാമ്പിന് നേരെ ആക്രമണം; മൂന്ന് റേഞ്ചേഴ്സ് ഉദ്യോഗസ്ഥര് കൊല്ലപ്പെട്ടു
അഫ്ഗാനിസ്ഥാനില് ഭൂചലനം; ഡല്ഹി, ജമ്മു കശ്മീര് ഉള്പ്പെടെയുള്ള സംസ്ഥാനങ്ങളില് ശക്തമായ പ്രകമ്പനം
കാറിനുള്ളില് വെച്ച് ഭാര്യയെ കുത്തിപ്പരുക്കേല്പ്പിച്ച ശേഷം യുവാവ് ബോംബ് പൊട്ടിച്ച് ജീവനൊടുക്കി
സര്ക്കാര് പാനല് അവഗണിച്ച് ഡോ.സജിതാറാണിയെ നിയമിച്ച നടപടി ജനാധിപത്യ വിരുദ്ധം; നിയമനടപടി ആലോചിക്കും: മന്ത്രി റോജി എം ജോണ്
കണ്ണൂരില് നാല് ദിവസം മുന്പ് കണാതായ യുവാവിന്റെ മൃതദേഹം പുഴയില് കണ്ടെത്തി
മന്ത്രിയുടെ പാനല് തള്ളി; ഡോ. സജിതാറാണി കാര്ഷിക സര്വകലാശാല വി സി
