Covid19
മരണം അഞ്ചുലക്ഷം കവിഞ്ഞു; കൊവിഡില്‍ നിന്ന് കരകയറാനാവാതെ ബ്രസീല്‍
ബ്രസീലിയ | ബ്രസീലില്‍ കൊവിഡ് മരണം അഞ്ചുലക്ഷം കവിഞ്ഞു. ലോകത്തെ രണ്ടാമത്തെ ഉയര്‍ന്ന കണക്കാണിത്. സാമൂഹിക അകലം ഉള്‍പ്പെടെയുള്ള പ്രതിരോധ നടപടികള്‍ ശക്തമാക്കാന്‍ പ്രസിഡന്റ് ഹെയര്‍ ബൊല്‍സൊനാരോ ഉള്‍പ്പെടെയുള്ള അധികൃതര്‍ വിമുഖത കാണിച്ചതാണ് സ്ഥിതി ഇത്രയും ദയനീയമാക്കിയത്. ശൈത്യകാലവും വാക്സിനേഷനിലെ മെല്ലെപ്പോക്കും കാരണം മരണനിരക്ക് ഉയരാന്‍ സാധ്യതയുണ്ടെന്നാണ് വിദഗ്ധരുടെ വിലയിരുത്തല്‍. രാജ്യത്ത് 11 ശതമാനം മുതിര്‍ന്നവര്‍ക്കു മാത്രമാണ് ഇതുവരെ രണ്ടു ഡോസ് വാക്സിന്‍ നല്‍കിയിട്ടുള്ളത്.
ബ്രസീലിലെ കൊവിഡ് കേസുകളും മരണനിരക്കും ഉടന്‍ കുറയാന്‍ സാധ്യത കുറവാണെന്നാണ് ക്വസ്റ്റിയന്‍ ഓഫ് സയന്‍സ് ഇന്‍സ്റ്റിറ്റ്യൂട്ടിലെ മൈക്രോബയോളജിസ്റ്റ് ഡോ. നതാലിയ പാസ്റ്റര്‍നക് ടാഷ്നര്‍ പ്രതികരിച്ചത്. ബ്രസീലിലെ ജനങ്ങള്‍ മരണങ്ങളോട് പൊരുത്തപ്പെട്ട നിലയിലാണെന്നും സാമൂഹിക അകലവും വാക്സിനേഷനും ഉള്‍പ്പെടെയുള്ള പ്രതിരോധ പ്രവര്‍ത്തനങ്ങള്‍ ഊര്‍ജിതമായി നടപ്പിലാക്കാന്‍ സാധിച്ചില്ലെങ്കില്‍ കൊവിഡ് വ്യാപനം നിയന്ത്രണ വിധേയമാകില്ലെന്നും അവര്‍ ചൂണ്ടിക്കാട്ടി.
Latest
അനശ്ചിതകാല ബസ് സമരം; ബസ് ഉടമകളെ ചര്ച്ചക്ക് ക്ഷണിച്ച് ഗതാഗത മന്ത്രി
വായ്പയെടുത്ത് അറിയാതെ സ്ഥലം വാങ്ങി; ജപ്തി നേരിടുന്ന പ്രഹ്ളാദന്റെ കുടുംബത്തെ ഒഴിപ്പിക്കില്ലെന്ന് ജില്ലാ കലക്ടര്
ഹിജ്റ എക്സ്പെഡിഷന് 19ന് മഅ്ദിന് അക്കാദമിയില്
കഞ്ചാവുമായി പിടിയില്
സ്കൂള് ബസ് റോഡരികിലെ ചളിയില് താഴ്ന്നു; വെള്ളക്കെട്ടിലേക്ക് മറിയാത്തതിനാല് ദുരന്തമൊഴിവായി
ശൈഖ് ഹബീബ് ഉമറും കേരളവും
