National
ജമ്മു കശ്മീരിന്റെ സംസ്ഥാന പദവി പുന:സ്ഥാപിച്ചേക്കും; തീരുമാനം 24ന് പ്രധാനമന്ത്രി പങ്കെടുക്കുന്ന സര്വകക്ഷി യോഗത്തില്

ന്യൂഡല്ഹി | ജമ്മു കശ്മീരിന്റെസംസ്ഥാന പദവി പുനഃസ്ഥാപിച്ചേക്കും. മേഖലയിലെ രാഷ്ട്രീയ നേതാക്കളുമായി പ്രധാനമന്ത്രി നടത്തുന്ന കൂടിക്കാഴ്ചയില് ഇതുസംബന്ധിച്ച് ചര്ച്ചകളുണ്ടായേക്കാന് സാധ്യതയെന്ന് ദേശീയ മാധ്യമങ്ങള്റിപ്പോര്ട്ട് ചെയ്തു. അടുത്ത വ്യാഴാഴ്ചയാണ് കൂടിക്കാഴ്ച നിശ്ചയിച്ചിരിക്കുന്നത്.അതേ സമയം ജമ്മു കശ്മീരിന് പ്രത്യേക പദവി തിരിച്ചുനല്കുന്നത് സംബന്ധിച്ച് ചര്ച്ചകളുണ്ടാകില്ലെന്നാണ് അറിയുന്നത്.
2019 ആഗസ്റ്റ് അഞ്ചിനാണ് കേന്ദ്രസര്ക്കാര് ജമ്മുവിന്റെ പ്രത്യേക പദവി പിന്വലിക്കുകയും ജമ്മു ആന്ഡ്കശ്മീര്, ലഡാക്ക് എന്നിങ്ങനെ രണ്ട് കേന്ദ്രഭരണ പ്രദേശങ്ങളാക്കി മാറ്റുകയും ചെയ്തത്.
ജൂണ് 24ന് വിളിച്ചിട്ടുള്ള സര്വകക്ഷി യോഗത്തില് ജമ്മു കശ്മീരിലെ പ്രമുഖ പാര്ട്ടിയിലെ നേതാക്കള് പങ്കെടുക്കും. നാഷണല് കോണ്ഫറന്സ് നേതാവ് ഫാറുഖ് അബ്ദുള്ള, മകന് ഒമര് അബ്ദുള്ള, മുതിര്ന്ന കോണ്ഗ്രസ് നേതാവ് ഗുലാം നബി ആസാദ്, പിഡിപി അധ്യക്ഷ മെഹബൂബ മുഫ്തി,കോണ്ഗ്രസ് നേതാവ് താരാ ചന്ദ്, പീപ്പിള്സ് കോണ്ഫറന്സ് നേതാവ് മുസാഫര് ഹുസൈന് ബൈഗ്, ബിജെപി നേതാക്കളായ നിര്മ്മല് സിംഗ്, കവീന്ദര് ഗുപ്ത. സിപിഎം നേതാവ് യൂസഫ് തരിഗാമി എന്നിവര്ക്ക് ക്ഷണമുണ്ട്