മാംഗോ മൊബൈല്‍ ഫോണ്‍ ഉദ്ഘാടനം ചെയ്യാമെന്ന് പറഞ്ഞത് താനല്ല; പി ടി തോമസ് മാപ്പ് പറയണം: മുഖ്യമന്ത്രി

തിരുവനന്തപുരം | മാംഗോ മൊബൈല്‍ ഉദ്ഘാടനവുമായി ബന്ധപ്പെട്ട് നിയമസഭയെ തെറ്റിദ്ധരിപ്പിച്ച പി ടി തോമസ് എംഎല്‍എ മാപ്പ് പറയണമെന്ന് മുഖ്യമന്ത്രി പിണറായി വിജയന്‍ സഭയില്‍ ആവശ്യപ്പെട്ടു. മുട്ടില്‍ മരം കൊള്ളയുമായി തനിക്ക് ബന്ധമുണ്ടെന്ന് വരുത്തി തീര്‍ക്കാനാണ് പ്രതിപക്ഷത്തിന്റെ ശ്രമമെന്നും മുഖ്യമന്ത്രി പറഞ്ഞു.

മാംഗോ മൊബൈല്‍ ഉദ്ഘടാനം ചെയ്യാമെന്ന് മുഖ്യമന്ത്രി സമ്മതിച്ചെന്നും ഉദ്ഘാടനത്തിന് തൊട്ട് മുന്‍പ് മാംഗോ മൊബൈല്‍ ഉടമ അറസ്റ്റിലായെന്നുമായിരുന്നു പി ടി തോമസിന്റെ ആരോപണം. മുട്ടില്‍ മരംമുറി കൊള്ളയുമായി ബന്ധപ്പെട്ടായിരുന്നു ആരോപണം.

മൊബൈല്‍ ഉദ്ഘാടനം ചെയ്യാമെന്ന് പറഞ്ഞ മുഖ്യമന്ത്രി മറ്റൊരാളാണ്. അത് ആരാണെന്ന് തന്നെക്കൊണ്ട് പറയിക്കാന്‍ പി ടി തോമസിന് സന്തോഷം ഉണ്ടാകും. സഭയെ തെറ്റിദ്ധരിപ്പിച്ചതിന് പി ടി തോമസ് മാപ്പ് പറയുകയാണ് വേണ്ടതെന്നും മുഖ്യമന്ത്രി പറഞ്ഞു.