International
ചൈനയുടെ സിനോഫോം വാക്സിന് ലോകാരോഗ്യ സംഘടനുയുടെ അനുമതി
ബീജിങ് | ചൈനയുടെ കൊവിഡ് വാക്സിനായ സിനോഫോമിന്റെ അടിയന്തര ഉപയോഗത്തിന് ലോകാരോഗ്യ സംഘടന ഉപാധികളോടെ അനുമതി നല്‍കി. ലോകാരോഗ്യ സംഘടനയുടെ അനുമതി ലഭിക്കുന്ന ആദ്യ ചൈനീസ് വാക്സിനാണ് സിനോഫോം. വാക്‌സിന്റെ ക്ലിനിക്കല്‍ പരീക്ഷണ വിവരങ്ങളുടെ അടിസ്ഥാനത്തിലാണ് അനുമതി. ഫൈസര്‍, അസ്ട്രസെനക്ക, ജോണ്‍സണ്‍ ആന്‍ഡ് ജോണ്‍സണ്‍ , മൊഡേണ എന്നിവ നിര്‍മിക്കുന്ന വാക്‌സിനുകള്‍ക്ക് മാത്രമെ ലോകാരോഗ്യ സംഘടന ഇതിന് മുന്‍പ് അംഗീകാരം നല്‍കിയിട്ടുള്ളു. യുഎഇ, ഹംഗറി, പാകിസ്ഥാന്‍ ഉള്‍പ്പെടെ രാജ്യങ്ങള്‍ നിലവില്‍ സിനോഫോമിന്റെ ഉപഭോക്താക്കളാണ്.
ചൈനയില്‍ ഇതുവരെ ആറര കോടി വാക്സിന് ഡോസുകള്‍ വിതരണം ചെയ്തെന്നാണ് റിപ്പോര്‍ട്ടുകള്‍. 79.34 ശതമാനം ഫലപ്രാപ്തി തെളിയിച്ച വാക്സിന് മുതിര്‍ന്നവരില്‍ ഉപയോഗിക്കാന്‍ നേരത്തെ 45 ഓളം രാജ്യങ്ങള്‍ അനുമതി നല്‍കിയിരുന്നു. താരതമ്യേന വില കൂടിയ വാക്സിനാണ് സിനോഫോം. ഡബ്ല്യു എച്ച്ഒ യുടെ അനുമതി ലഭിക്കാത്തതിനാല്‍ ചില രാജ്യങ്ങള്‍ വാക്സിന് ഉപയോഗിച്ച് തുടങ്ങിയിരുന്നില്ല. മറ്റൊരു ചൈനീസ് വാക്സിനായ സിനോവോക്കിനും ഉടന്‍ ലോകാരോഗ്യ സംഘടനയുടെ അനുമതി കിട്ടുമെന്നാണ് പ്രതീക്ഷ.
Latest
അനശ്ചിതകാല ബസ് സമരം; ബസ് ഉടമകളെ ചര്ച്ചക്ക് ക്ഷണിച്ച് ഗതാഗത മന്ത്രി
വായ്പയെടുത്ത് അറിയാതെ സ്ഥലം വാങ്ങി; ജപ്തി നേരിടുന്ന പ്രഹ്ളാദന്റെ കുടുംബത്തെ ഒഴിപ്പിക്കില്ലെന്ന് ജില്ലാ കലക്ടര്
ഹിജ്റ എക്സ്പെഡിഷന് 19ന് മഅ്ദിന് അക്കാദമിയില്
കഞ്ചാവുമായി പിടിയില്
സ്കൂള് ബസ് റോഡരികിലെ ചളിയില് താഴ്ന്നു; വെള്ളക്കെട്ടിലേക്ക് മറിയാത്തതിനാല് ദുരന്തമൊഴിവായി
ശൈഖ് ഹബീബ് ഉമറും കേരളവും
