Malappuram
കേരള മുസ്ലിം ജമാഅത്ത് മലപ്പുറം ജില്ലാ കൗണ്സിലിന് പ്രൗഢ സമാപനം
മലപ്പുറം | “നന്മയുടെ പക്ഷത്ത് ചേര്ന്ന് നില്ക്കാം” എന്ന ശീര്ഷകത്തില് സംഘടിപ്പിച്ച കേരള മുസ്ലിം ജമാഅത്ത് മലപ്പുറം ജില്ലാ കൗണ്സിലിന് പ്രൗഢ സമാപനം. സ്വലാത്ത് നഗര് മഅദിന് ക്യാമ്പസില് നടന്ന കൗണ്സിലില് എം എന് കുഞ്ഞി മുഹമ്മദ് ഹാജി പതാക ഉയര്ത്തി. ജില്ലാ പ്രസിഡന്റ് കൂറ്റമ്പാറ അബ്ദുറഹ്മാന് ദാരിമിയുടെ അധ്യക്ഷതയില് സമസ്ത സെക്രട്ടറി പൊന്മള അബ്ദുല് ഖാദിര് മുസ്ലിയാര് ഉദ്ഘാടനം ചെയ്തു.
കേരള മുസ്ലിം ജമാഅത്ത് സംസ്ഥാന ജനറല് സെക്രട്ടറി സയ്യിദ് ഇബ്റാഹീമുല് ഖലീല് അല് ബുഖാരി തെരഞ്ഞെടുപ്പ് പ്രക്രിയക്ക് നേതൃത്വം നല്കി. പൂര്വ സൂരികളായ മഹത്തുക്കളുടെ മാതൃകാപരമായ ജീവിത വഴിയില് നിന്നും പാഠമുള്ക്കൊള്ളാന് പുതിയ തലമുറ തയ്യാറാവണമെന്നും മഹല്ലുകളില് വര്ധിച്ച് വരുന്ന അധാര്മികതക്കെതിരെ ബോധവല്ക്കരണം നടത്തണമെന്നും അദ്ദേഹം പറഞ്ഞു.
സയ്യിദ് ഹബീബ് കോയ തങ്ങള് ചെരക്കാപറമ്പ് പ്രാര്ത്ഥന നടത്തി. സയ്യിദ് സൈനുല് ആബിദീന് ബാഫഖീഹ്, കേരള മുസ്ലിം ജമാഅത്ത് സംസ്ഥാന സെക്രട്ടറി വണ്ടൂര് അബ്ദുറഹ്മാന് ഫൈസി, പൊന്മള മൊയ്തീന് കുട്ടി ബാഖവി, സി പി സൈതലവി മാസ്റ്റര് ചെങ്ങര, ഇ വി അബ്ദുറഹ്മാന് ഹാജി, പി കെ എം സഖാഫി ഇരിങ്ങല്ലൂര്, ഊരകം അബ്ദുറഹ്മാന് സഖാഫി, പി എം മുസ്തഫ കോഡൂര്, അലവിക്കുട്ടി ഫൈസി എടക്കര പ്രസംഗിച്ചു.
മലപ്പുറം ജില്ലക്ക് പുതിയ നേതൃത്വം
കൂറ്റമ്പാറ അബ്ദുറഹിമാന് ദാരിമി ( പ്രസിഡണ്ട്)
പി എം മുസ്തഫ കോഡൂര് (ജനറല് സെക്രട്ടറി)
എം എന് കുഞ്ഞഹമ്മദ് ഹാജി (ഫിനാന്സ് സെക്രട്ടറി)
വടശ്ശേരി ഹസ്സന് മുസ്ലിയാര്, സി കെ യു മൗലവി മോങ്ങം, പി എസ് കെ ദാരിമി എടയൂര് , കെ കെ എസ് തങ്ങള് പെരിന്തല്മണ്ണ, സയ്യിദ് സ്വലാഹുദ്ദീന് ബുഖാരി കൂരിയാട്, യൂസുഫ് ബാഖവി മാറഞ്ചേരി (വൈസ് പ്രസിഡന്റ്മാര്)
പി അബ്ദുറഹ്മാന് സഖാഫി ഊരകം, പി കെ എം സഖാഫി ഇരിങ്ങല്ലൂര് , പി കെ ബഷീര് ഹാജി , അലവിക്കുട്ടി ഫൈസി എടക്കര, മുഹമ്മദ് ഹാജി മൂന്നിയൂര് , കെ പി ജമാല് കരുളായി (സെക്രട്ടറിമാര്).