National
ഗുലാം നബി ആസാദിനെ കേരളത്തില്‍ നിന്ന് രാജ്യസഭയിലെത്തിക്കാന്‍ ആലോചന
ന്യൂഡല്‍ഹി | രാജ്യസഭാ പ്രതിപക്ഷ നേതാവ് ഗുലാം നബി ആസാദിനെ കേരളത്തില്‍ നിന്ന് വീണ്ടും രാജ്യസഭയിലെത്തിക്കാന്‍ ആലോചന. അദ്ദേഹത്തിന്റെ കാലാവധി അടുത്ത മാസം അവസാനിക്കുന്ന പശ്ചാത്തലത്തിലാണ് ഇത്. കേരളത്തില്‍ മൂന്ന് രാജ്യസഭാംഗങ്ങളുടെ ഒഴിവ് വരുന്ന ഏപ്രിലില്‍ മത്സരിപ്പിക്കാനാണ് നീക്കമെന്ന് ഹൈക്കമാന്‍ഡ് വൃത്തങ്ങള്‍ പറയുന്നു.
ആസാദിനെ വീണ്ടും രാജ്യസഭയിലെത്തിക്കാന്‍ പാര്‍ട്ടി ഹൈക്കമാന്‍ഡിന് ഏറെ താത്പര്യമുണ്ട്. 2015ല്‍ ജമ്മു കശ്മീരില്‍ നിന്നാണ് ആസാദ് രാജ്യസഭയിലെത്തിയിരുന്നത്. കേരളത്തില്‍ ഒഴിവുവരുന്ന മൂന്ന് രാജ്യസഭാ സീറ്റുകളില്‍ രണ്ടെണ്ണം ഭരണകക്ഷിക്കും ഒന്ന് പ്രതിപക്ഷത്തിനുമാണ് ലഭിക്കുക.
കോണ്‍ഗ്രസ് നേതാവ് വയലാര്‍ രവി, മുസ്ലിം ലീഗിന്റെ അബ്ദുല്‍ വഹാബ്, സി പി എമ്മിന്റെ കെ കെ രാഗേഷ് എന്നിവരുടെ കാലാവധിയാണ് അവസാനിക്കുന്നത്. ഇവരില്‍ വഹാബ് മിക്കവാറും നിയമസഭാ തിരഞ്ഞെടുപ്പില്‍ മത്സരിക്കും.
Latest
അനശ്ചിതകാല ബസ് സമരം; ബസ് ഉടമകളെ ചര്ച്ചക്ക് ക്ഷണിച്ച് ഗതാഗത മന്ത്രി
വായ്പയെടുത്ത് അറിയാതെ സ്ഥലം വാങ്ങി; ജപ്തി നേരിടുന്ന പ്രഹ്ളാദന്റെ കുടുംബത്തെ ഒഴിപ്പിക്കില്ലെന്ന് ജില്ലാ കലക്ടര്
ഹിജ്റ എക്സ്പെഡിഷന് 19ന് മഅ്ദിന് അക്കാദമിയില്
കഞ്ചാവുമായി പിടിയില്
സ്കൂള് ബസ് റോഡരികിലെ ചളിയില് താഴ്ന്നു; വെള്ളക്കെട്ടിലേക്ക് മറിയാത്തതിനാല് ദുരന്തമൊഴിവായി
ശൈഖ് ഹബീബ് ഉമറും കേരളവും
