Kerala
ബാര് കോഴ: ബിജു രമേശിനെതിരെ തുടര് നടപടികള്ക്ക് ഹൈക്കോടതി നിര്ദേശം
കൊച്ചി | ബാര് കോഴക്കേസില് കൃത്രിമം നടത്തിയ സി ഡി കോടതിയില് ഹാജരാക്കിയെന്ന ആരോപണത്തില് ബിജു രമേശിനെതിരെ തുടര് നടപടിക്ക് ഹൈക്കോടതി നിര്ദേശം. പരാതി സ്വീകരിക്കാന് തിരുവനന്തപുരം മജിസ്ട്രേറ്റ് കോടതി നിര്ദേശം നല്കി.
കോടതിയില് ഹാജരാക്കിയ സിഡിയില് കൃത്രിമം കാണിച്ചതായി ശാസ്ത്രീയ പരിശോധനയില് തെളിഞ്ഞു. ബാറുടമകളുടെ യോഗത്തിലെ സംഭാഷണമാണ് സി ഡിയിലെ ശബ്ദരേഖയില് ഉണ്ടായിരുന്നത്. നടപടിയെടുക്കാന് വിസമ്മതിച്ച മജിസ്ട്രേറ്റ് കോടതി നടപടിക്കെതിരെയുള്ള ഹരജിയിലാണ് വിധി.
തിരുവനന്തപുരം സ്വദേശി ശ്രീജിത്ത് ശ്രീധരനാണ് കേസിലെ ഹര്ജിക്കാരന്. ബാര് കോഴക്കേസില് രഹസ്യമൊഴി നല്കിയപ്പോഴായിരുന്നു എഡിറ്റഡ് സി ഡി മജിസ്ട്രേറ്റിന് കൈമാറിയത്.
---- facebook comment plugin here -----