Connect with us

Kerala

ബിനീഷ് കോടിയേരിയുമായി പണമിടപാട്; ഹാജരാകാന്‍ ആവശ്യപ്പെട്ട് നാലുപേര്‍ക്ക് ഇ ഡി നോട്ടീസ്

Published

|

Last Updated

തിരുവനന്തപുരം | കള്ളപ്പണ കേസില്‍ അറസ്റ്റിലായ ബിനീഷ് കോടിയേരിയുമായി പണമിടപാടുകള്‍ നടത്തിയ നാല് പേര്‍ ഈമാസം 18ന് ഹാജരാകാന്‍ ആവശ്യപ്പെട്ട് ഇ ഡി നോട്ടീസ്. അബ്ദുല്‍ ലത്വീഫ്, റഷീദ്, അനിക്കുട്ടന്‍, എസ് അരുണ്‍ എന്നിവര്‍ക്കാണ് നോട്ടീസ് നല്‍കിയിട്ടുള്ളത്. ഇവരില്‍ ലത്വീഫിനും റഷീദിനും നേരത്തെ നോട്ടീസ് അയച്ചിരുന്നുവെങ്കിലും ക്വാറന്റൈനിലാണെന്നു പറഞ്ഞ് ഇരുവരും ഹാജരായിരുന്നില്ല.

പരപ്പന അഗ്രഹാര ജയിലിലെ പ്രത്യേക സെല്ലിലാണ് ബിനീഷ് കോടിയേരിയുള്ളത്. ബിനീഷിന്റെ കൊവിഡ് പരിശോധനാ ഫലം ലഭിച്ചതിനു ശേഷം മാത്രമേ മറ്റ് പ്രതികളെ പാര്‍പ്പിക്കുന്ന കെട്ടിടത്തിലേക്ക് മാറ്റുകയുള്ളൂ. സുരക്ഷാ കാരണങ്ങള്‍ മുന്‍നിര്‍ത്തി ബിനീഷിനെ വരും ദിവസങ്ങളിലും പ്രത്യേക സെല്ലില്‍ തന്നെ പാര്‍പ്പിക്കാനും ജയില്‍ അധികൃതര്‍ ആലോചിക്കുന്നുണ്ട്.

---- facebook comment plugin here -----

Latest