Kerala
ജോസ് വിഭാഗത്തിന്റെ മുന്നണി പ്രവേശം: നിലപാട് വ്യക്തമാക്കാന്‍ കാനം ഇന്ന് കോടിയേരിയെ കാണും
തിരുവനന്തപുരം | കേരള കോണ്‍ഗ്രസ് ജോസ് വിഭാഗത്തിന്റെ എല്‍ഡിഎഫ് പ്രവേശനവുമായി ബന്ധപ്പെട്ട് സിപിഐയെ അനുനയിപ്പിക്കാന്‍ ഉള്ള ശ്രമങ്ങളുമായി സിപിഎം. ജോസിന്റെ മുന്നണി പ്രവേശത്തിന് സിപിഐയില്‍ ധാരണയായിട്ടുണ്ടെങ്കിലും നിയമസഭാ സീറ്റ് വിഭജനം അടക്കമുള്ള കാര്യങ്ങളിലെ അവ്യക്തതയാണ് സിപിഐയെ ആശങ്കയിലാക്കുന്നത്.് സിപിഐയുടെ നിലപാടറിയിക്കാന്‍ കാനം രാജേന്ദ്രന്‍ ഇന്ന് കോടിയേരി ബാലകൃഷ്ണനെ കണ്ടേക്കുമെന്ന് സൂചനകളുണ്ട്. ജോസിനെ ഉടനടി മുന്നണിയിലെടുക്കേണ്ടതില്ലെന്നാണ് സിപിഐയുടെ നിലപാട് എന്നറിയുന്നു. തദ്ദേശ തിരഞ്ഞെടുപ്പില്‍ ജോസ് വിഭാഗത്തിന്റെ പ്രകടനം വിലയിരുത്തിയ ശേഷമാകാം മുന്നണി പ്രവേശമെന്ന അഭിപ്രായം സിപിഐക്കുണ്ട്.
അതേ സമയം തദ്ദേശ തിരഞ്ഞെടുപ്പില്‍ കൂടുതല്‍ സീറ്റുകള്‍ വിട്ടുനല്‍കി കേരള കോണ്‍ഗ്രസിന്റെ പ്രാദേശിക ഘടകങ്ങളെ പാര്‍ട്ടിയില്‍ ഉറപ്പിച്ചുനിര്‍ത്താനാണ് ഇടതുമുന്നണിയിലെ ധാരണ. എന്നാല്‍ നിയമസഭാ സീറ്റ് വിഭജനം സംബന്ധിച്ച് ഇനിയും സമവായം ആയിട്ടില്ല.
ഇന്നലെ എ കെ ജി സെന്ററിലെത്തിയ ജോസ് കെ മാണിക്ക് ഊഷ്മളമായ സ്വീകരണമാണ് സംസ്ഥാനസെക്രട്ടറി കോടിയേരി ബാലകൃഷ്ണന്‍ നല്‍കിയത്.
Latest
മഹാരാഷ്ട്ര സഹകരണബേങ്ക് തട്ടിപ്പ്; അജിത്പവാറിന് ക്ലീന്‍ചിറ്റ് നല്‍കി അന്വേഷണ സംഘം
പ്രായപൂര്‍ത്തിയാകാത്ത വിദ്യാര്‍ഥിനിയെ പീഡിപ്പിച്ച 65കാരന്‍ അറസ്റ്റില്‍
മണിപ്പൂരില്‍ വീണ്ടും സ്‌ഫോടനം; പാലം തകര്‍ന്നു, പരുക്കോ മരണമോ റിപ്പോര്‍ട്ട് ചെയ്തിട്ടില്ല
വൈദ്യപരിശോധനയ്ക്ക് എത്തിച്ചപ്പോള്‍ പോലീസ് കസ്റ്റഡിയില്‍ നിന്നും ഓടി രക്ഷപ്പെട്ട പ്രതി രണ്ട് ദിവസത്തിന് ശേഷം കീഴടങ്ങി
രാഷ്ട്രീയ പാരമ്പര്യമാണ് അന്‍വര്‍ ഉദ്ദേശിച്ചത് ജൈവപരമായി കാണേണ്ടതില്ല; എംവി ഗോവിന്ദന്‍
സുപ്രീംകോടതി നിര്‍ദേശത്തിന് പിന്നാലെ മാപ്പപേക്ഷിക്കുന്ന പുതിയ പത്രപരസ്യവുമായി ബാബ രാംദേവ്
