National

ബാർബറുടെ മൃതദേഹം സലൂണിൽ കഴുത്ത് മുറിച്ച നിലയിൽ കണ്ടെത്തി

Published

Aug 22, 2020 4:33 pm |

Last Updated

Aug 22, 2020 4:33 pm

റാഞ്ചി| ഝാർഖണ്ഡിൽ ബാർബറുടെ മൃതദേഹം കഴുത്ത് മുറിച്ച നിലയിൽ കണ്ടെത്തി. രാംഗർ ജില്ലയിലെ പട്രാറ്റു ബ്ലോക്കിലെ ഭദാനി നഗറിലെ സലൂണിലാണ് 20കാരനായ രാജൻ താക്കൂറിന്റെ മൃതദേഹം ഇന്നലെ വൈകീട്ട് കണ്ടെത്തിയത്. മൂർച്ചയേറിയ വസ്തു ഉപയോഗിച്ചാണ് കഴുത്ത് മുറിച്ചിരിക്കുന്നതെന്ന് പോലീസ് പറഞ്ഞു.

ലോക്ക്ഡൗൺ കാരണം പ്രദേശത്ത് സലൂണുകൾ അടച്ചിട്ടിട്ടുണ്ടെങ്കിലും താക്കൂർ തന്റെ ജോലി ചെയ്യാറുണ്ടായിരുന്നു. സംഭവം അത്മഹത്യയാണോ കൊലപാതകമാണോ എന്ന് അന്വേഷിക്കുകയാണെന്നും കേസ് രജിസ്റ്റർ ചെയ്തതായും പോലീസ് പറഞ്ഞു.