National
തൂത്തുക്കുടി കസ്റ്റഡി മരണം: സി ബി ഐ രണ്ട് കേസുകൾ രജിസ്റ്റർ ചെയ്തു
ചെന്നൈ | തമിഴ്നാട്ടിലെ തൂത്തുക്കുടിയിൽ അച്ഛനും മകനും പോലീസ് കസ്റ്റഡിയിൽ മരിച്ച സംഭവത്തിൽ സി ബി ഐ രണ്ട് കേസുകൾ രജിസ്റ്റർ ചെയ്തു. ഒരു സംഘത്തെ സംഭവ സ്ഥലത്തേക്ക് അയച്ചിട്ടുണ്ട്. മുഖ്യമന്ത്രി എടപ്പാടി പളനിസ്വാമി കേസ് സി ബി ഐക്ക് കൈമാറണമെന്നാവശ്യപ്പെട്ട് കേന്ദ്ര ആഭ്യന്തര മന്ത്രി അമിത് ഷാക്ക് കത്തയച്ചിരുന്നു. ഇതേ തുടർന്നാണ് അന്വേഷണം ഇന്നലെ സി ബി ഐക്ക് കൈമാറിയത്.
ലോക്ക്ഡൗൺ ലംഘിച്ച് കടകൾ തുറന്നെന്നാരോപിച്ചാണ് പി ജയരാജിനെയും മകൻ ബെന്നിക്സിനെയും പോലീസ് കസ്റ്റഡിയിലെടുത്തത്. സതങ്കുളം പോലീസ് സ്റ്റേഷനിൽ വെച്ച് മർദ്ദനത്തിനിരയായ ഇരുവരും ആശുപത്രിയിൽ വെച്ചാണ് മരിച്ചത്. സംഭവത്തെ തുടർന്ന് രാജ്യമൊട്ടാകെ പ്രതിഷേധം ഉയർന്നു. ഇതോടെ കേസ് സി ബി ഐക്ക് വിടാൻ സംസ്ഥാന സർക്കാർ തീരുമാനിക്കുകയായിരുന്നു.
---- facebook comment plugin here -----