കശ്മീരില്‍ ഏറ്റുമുട്ടലിനിടെ രണ്ട് ഭീകരെ സുരക്ഷാ സേന വധിച്ചു

ശ്രീനഗര്‍ |  ജമ്മു കശ്മീരിലെ പുല്‍വാമയില്‍ ഏറ്റമുട്ടലിനിടെ രണ്ട് ഭീകരരെ സുരക്ഷാ സേന വധിച്ചു. പുല്‍വാമയിലെ ബന്ദ്‌സൂ മേഖലയില്‍ ഇന്ന് പുലര്‍ച്ചെയാണ് ഏറ്റുമുട്ടല്‍ നടന്നത്. പ്രദേശത്ത് കൂടുതല്‍ ഭീകരര്‍ ഉണ്ടെന്ന വിവരത്തിന്റെ അടിസ്ഥാനത്തില്‍ സുരക്ഷാ സേനയും പോലീസും സംയുക്തമായി തിരച്ചില്‍ നടത്തുകയാണ്.കഴിഞ്ഞ കുറച്ച് ദിവസങ്ങളിലായി കശ്മീരില്‍ സുരക്ഷാ സേനയും ഭീകരരും തമ്മിലുള്ള ഏറ്റുമുട്ടല്‍ പതിവായിരിക്കുകയാണ്. നിരവധി ഭീകരെ സൈന്യം കഴിഞ്ഞ ദിവസങ്ങളിലായി വധിച്ചിട്ടുണ്ട്. അതിര്‍ത്തിയില്‍ പാക്കിസ്ഥാന്റെ ഭാഗത്ത് നിന്നുള്ള പ്രകോപനങ്ങളും തുടരുന്നുണ്ട്.