ആണ്‍കുട്ടി കൊവിഡ്, പെണ്‍കുട്ടി കൊറോണ; ഇരട്ടകുട്ടികള്‍ക്ക് പേരിട്ട് കുടുംബം

ന്യൂഡല്‍ഹി | ലോകാരോഗ്യ സംഘടന മഹാമാരിയായി പ്രഖ്യാപിച്ച വൈറസിന്റെ പേര് ഇരട്ടകുട്ടികള്‍ക്ക് നല്‍കി രക്ഷാകര്‍ത്താക്കള്‍. ഛത്തീസ്ഗഢിലെ റായ്പൂരിലെ ദമ്പതികളാണ് തങ്ങളുടെ ഇരട്ടകുട്ടികള്‍ക്ക് കൊവിഡ് (കൊറോണ) എന്ന പേര് നല്‍കിയത്. ആണ്‍കുട്ടിയെ കൊവിഡെന്നും പെണ്‍കുട്ടിയെ കൊറോണയെന്നുമാണ് ഇനി വിളിക്കുകയെന്നാണ് കുടുംബം പറയുന്നത്. റായ്പൂരിലെ അംബേദ്കര്‍ മെമ്മോറിയല്‍ ആശുപത്രിയില്‍ കഴിച്ച മാര്‍ച്ച് 27നാണ് പീതി വെര്‍മ എന്ന സ്ത്രീ ഇരട്ടകുട്ടികള്‍ക്ക് ജന്മം നല്‍കിയത്. എന്നാല്‍ പേരിട്ടത് താത്കാലികമാണെന്നും ഇത് പിന്നീട് മാറ്റുമെന്നും കുടുംബം പറഞ്ഞു. വൈറസ് അപകടകാരിയാണെങ്കിലും അത് ഓര്‍മിപ്പിക്കുന്നത് ആളുകള്‍ ശുചിത്വമുള്ളവരായിരിക്കണം എന്നതാണെന്നും രക്ഷിതാക്കള്‍ പറഞ്ഞു.