കൊവിഡ് 19: സഊദിയില്‍ 21 ദിവസത്തേക്ക് നിശാ നിയമം പ്രഖ്യാപിച്ചു

റിയാദ് |  കൊവിഡ് 19ന്റെ പശ്ചാത്തലത്തില്‍ സഊദി അറേബ്യയില്‍ സല്‍മാന്‍ രാജാവ് നിശാനിയമം പ്രഖ്യാപിച്ചു. തിങ്കളാഴ്ച വൈകീട്ട് മുതലാണ് നിശാനിയമം ഏര്‍പ്പെടുത്തുന്നത്. എല്ലാ ദിവസവും രാത്രി ഏഴ് മണി മുതല്‍ രാവിലെ ആറ് മണി വരെയാണ് കര്‍ഫ്യൂവെന്ന് ഭരണകൂടം വാര്‍ത്താക്കുറിപ്പില്‍ അറിയിച്ചു. 21 ദിവസത്തേക്കാണ് കര്‍ഫ്യൂ. ഈ സമയങ്ങളില്‍ ജനം പുറത്തിറങ്ങുന്നതിനും വിലക്കുണ്ടാകും.

ഞായറാഴ്ച മാത്രം രാജ്യത്ത് 119 പേര്‍ക്കാണ് വൈറസ് ബാധ സ്ഥിരീകരിച്ചത്. സഊദിയില്‍ ഇതിനകം 511 പേര്‍ക്കാണ് വൈറസ് ബാധ സ്ഥിരീകരിച്ചത്.