യമനില്‍ സഊദി സഖ്യ സേനയുടെ ഫൈറ്റര്‍ ജെറ്റ് തകര്‍ന്നുവീണു

ജിദ്ദ | ഹൂത്തി വിമതര്‍ക്ക് എതിരെ വ്യോമാക്രമണം തുടരുന്നതിനിടെ സഊദി സഖ്യസേനയുടെ ഫൈറ്റര്‍ ജെറ്റ് വിമാനം യമനില്‍ തകര്‍ന്നുവീണു. സഊദി സഖ്യസേനയാണ് ഇക്കാര്യം സ്ഥിരീകരിച്ചത്. യമനിലെ വടക്കന്‍ അല്‍ ജൗഫ് പ്രവിശ്യയിലാണ് വിമാനം തകര്‍ന്നുവീണതെന്ന് സഊദി പ്രസ് ഏജന്‍സി റിപ്പോര്‍ട്ട് ചെയ്തു.

സഊദി വിമാനം വെടിവെച്ചിട്ടതായി ഹൂത്തി വിമതര്‍ വെള്ളിയാഴ്ച അവകാശപ്പെട്ടിരുന്നു. വ്യോമ – ഭൂതല മിസൈല്‍ വഹിച്ചിരുന്ന ടൊര്‍ണാഡോ എയര്‍ ക്രാഫ്റ്റാണ് തകര്‍ത്തതെന്നും വിമതര്‍ വ്യക്തമാക്കിയിരുന്നു. ഇതിന് പിന്നാലെയാണ് സഊദി ഇക്കാര്യം സ്ഥിരീകരിക്കുന്നത്.