National
മലയാളി മാധ്യമ പ്രവര്‍ത്തകയേയും മാതാവിനേയും ഭീഷണിപ്പെടുത്തിയ സംഭവം; പൈലറ്റിന്റെ ലൈസന്‍സ് സസ്‌പെന്‍ഡ് ചെയ്തു
ന്യൂഡല്‍ഹി | വീല്‍ചെയര്‍ ചോദിച്ച മലയാളി യാത്രക്കാരിയോടും മാതാവിനോടും അപമര്യാദയായി പെരുമാറുകയും ഭീഷണിപ്പെടുത്തുകയും ചെയ്ത ഇന്‍ഡിഗോ എയര്‍ലൈന്‍സ് പൈലറ്റിന്റെ ലൈസന്‍സ് സസ്‌പെന്‍ഡ് ചെയ്തു.
കഴിഞ്ഞ മാസം ചെന്നൈയില്‍നിന്നു ബെംഗളുരുവിലേക്കു സര്‍വീസ് നടത്തിയ വിമാനത്തിലെ പൈലറ്റായ ജയകൃഷ്ണയുടെ ലൈസന്‍സാണ് മൂന്ന് മാസത്തേക്ക് ഡയറക്ടറേറ്റ് ജനറല്‍ ഓഫ് സിവില്‍ ഏവിയേഷന്‍ സസ്‌പെന്‍ഡ് ചെയ്തത്.
മാധ്യമപ്രവര്‍ത്തക സുപ്രിയ ഉണ്ണി നായര്‍, വയോധികയായ മാതാവ് എന്നിവരോടാണ് പൈലറ്റ് മോശമായി പെരുമാറുകയും ഭീഷണിപ്പെടുത്തുകയും ചെയ്തത്. സംഭവത്തെക്കുറിച്ച് സുപ്രിയ ട്വീറ്റ് ചെയ്തിരുന്നു. ഇതിനുപിന്നാലെ ഡിജിസിഎ പൈലറ്റിന് കാരണം കാണിക്കല്‍ നോട്ടീസ് നല്‍കി. പൈലറ്റ് നല്‍കിയ മറുപടി തൃപ്തികരമല്ലെന്ന് ചൂണ്ടിക്കാണിച്ചാണ് ഡിജിസിഎയുടെ അച്ചടക്ക നടപടി.
വീല്‍ചെയര്‍ ചോദിച്ച യാത്രക്കാരിയെ സിഐഎസ്എഫിനു കൈമാറുമെന്നും കേസ് രജിസ്റ്റര്‍ ചെയ്ത് ജയിലിലടയ്ക്കുമെന്നും പൈലറ്റ് ഭീഷണിപ്പെടുത്തിയതായി അന്വേഷണത്തില്‍ വ്യക്തമായെന്നും ഡിജിസിഎ പത്രക്കുറിപ്പില്‍ അറിയിച്ചു.
Latest
ബിഹാറില്‍ ജെ ഡി യു നേതാവിനെ ബൈക്കിലെത്തിയവര്‍ വെടിവച്ചു കൊന്നു
തെരഞ്ഞെടുപ്പ് ഡ്യൂട്ടിക്ക് പോയ ഉദ്യോഗസ്ഥന്‍ പുലര്‍ച്ചെ കാറിടിച്ച് മരിച്ചു
കേരളത്തില്‍ ഉയര്‍ന്ന താപനില തുടരുന്നു; പാലക്കാട് ഉഷ്ണതരംഗ മുന്നറിയിപ്പ്
കേരളത്തില്‍ ഇന്നു നിശ്ശബ്ദ പ്രചാരണം; നാളെ ബൂത്തിലേക്ക്
മതത്തിന്റെ പേരില്‍ വോട്ടു തേടല്‍; നരേന്ദ്ര മോദിക്ക് ക്ലീന്‍ ചിറ്റ് നല്‍കി തെരഞ്ഞെടുപ്പ് കമ്മീഷന്‍
ചുഴിയില്‍ കരുതല്‍;വോട്ടില്‍ കണ്ണ്‌
