കൂട്ടിയിടിച്ച ബസും ഓട്ടോയും കിണറിലേക്ക് കൂപ്പുകുത്തി; 20 പേര്‍ മരിച്ചു

Posted on: January 28, 2020 11:16 pm | Last updated: January 29, 2020 at 10:51 am

നാസിക് | മഹാരാഷ്ട്രയിലെ നാസികില്‍ സ്റ്റേറ്റ് ട്രാന്‍സ്‌പോടര്‍ട്ട് ബസും ഓട്ടോറിക്ഷയും കൂട്ടിയിടിച്ച ശേഷം കിണറിലേക്ക് മറിഞ്ഞുണ്ടായ അപകടത്തില്‍ മരിച്ചവരുടെ എണ്ണം 20 ആയി. സംഭവത്തില്‍ 20ഓളം പേരെ പരുക്കുകളോടെ രക്ഷപ്പെടുത്തി.

നാസിക് ജില്ലയിലെ മേഷി ഫാടയില്‍ മലിഗോണ്‍ ദിയോല റോഡിലാണ് സംഭവം. നിറയെ യാത്രക്കാരുമായി അമിത വേഗത്തില്‍ എത്തിയ ബസ് ഓട്ടോയിലിടിക്കുകയായിരുന്നു. തുടര്‍ന്ന് നിയന്ത്രണം വിട്ട ബസ് ഓട്ടോയേയും വലിച്ചിഴച്ച് സമീപത്തെ കിണറ്റില്‍ പതിക്കുകയായിരുന്നു. രക്ഷാപ്രവര്‍ത്തനം തുടരുകയാണ്.