Gulf
മണി ഗ്രാമുമായി ലുലു ഫിനാന്‍ഷ്യല്‍ ഹോള്‍ഡിംഗ്‌സ് ഉടമ്പടി ഒപ്പ്‌വച്ചു
അബുദാബി | മണി ഗ്രാം ഇന്റര്‍നാഷണല്‍ ലുലു ഫിനാന്‍ഷ്യല്‍ ഹോള്‍ഡിംഗ്‌സ് ഉടമ്പടി ഒപ്പ് വച്ചു. ഇതിന്‍പ്രകാരം ലുലു ഫിനാന്‍ഷ്യല്‍ ഹോള്‍ഡിംഗ്‌സില്‍ മണി ഗ്രാം സേവനങ്ങള്‍ ലഭ്യമാകും. ലോകത്തിന്റെ പല ഭാഗങ്ങളിലുള്ള ലുലു ഉപഭോക്താക്കള്‍ക്ക് മണി ഗ്രാമിലൂടെ സാമ്പത്തിക സേവനങ്ങള്‍ എളുപ്പത്തിലും കൃത്യതയോടെയും ലഭിക്കും. ഏഷ്യ, പസഫിക് റീജിയനുകളിലും ഒമാനിലുമുള്ള ലുലു മണി നെറ്റ്‌വര്‍ക്കുകളിലും അന്‍പതിനായിരത്തിലധികം വരുന്ന വിശ്വസ്ത ഏജന്റുമുഖേനെയും ഇത് ലഭ്യമാണ്.
കിഴക്കന്‍ ഏഷ്യയും പസഫിക്കുമടങ്ങുന്ന മേഖലയിലേക്ക് 149 ബില്യണ്‍ യു.എസ് ഡോളറിന്റെ ധനവിനിമയമാണ് ഇപ്പോള്‍ നടന്നുവരുന്നത്. വരും വര്‍ഷങ്ങളില്‍ ഇത് കൂടുകയും ചെയ്യും. സാങ്കേതിക രംഗത്ത് സംഭവിച്ചുകൊണ്ടിരിക്കുന്ന നൂതന മാറ്റങ്ങള്‍ മേഖലയിലെ ദശലക്ഷക്കണക്കിന് വരുന്ന ജനങ്ങളുടെ ധനവിനിമയത്തില്‍ പ്രകടമായ മാറ്റമുണ്ടാക്കുമെന്ന യു.എന്‍ റിപ്പോര്‍ട്ടും ശ്രദ്ധേയമാണ്. ഈ പങ്കാളിത്തം ധനവിനിമയ രംഗത്ത് വിപ്ലവകരമായ മാറ്റങ്ങള്‍ക്കാണ് കാരണമാവുകയെന്ന് ലുലു ഫിനാന്‍ഷ്യല്‍ ഗ്രൂപ്പ് എം.ഡി അദീബ് അഹമ്മദ് പറഞ്ഞു. ധനവിനിമയ രംഗത്തെ ഡിജിറ്റല്‍ ഇടപാടുകളുടെ പുതിയ കാലഘട്ടത്തിന് കൂടിയാണ് ഇത് തുടക്കമിടുന്നതെന്നും അദ്ദേഹം പറഞ്ഞു. ഈ പങ്കാളിത്തത്തിലൂടെ ധനവിനിയമത്തിലെ ഡിജിറ്റല്‍ വത്കരണത്തിന് ആക്കം കൂട്ടാന്‍ കഴിയുമെന്ന് മണി ഗ്രാം ചെയര്‍മാനും സി.ഇ.ഒയുമായ അലക്‌സ് ഹോംസ് പറഞ്ഞു.
Latest
സിഗരറ്റുകളെക്കാള്‍ അപകടകാരിയാണോ ഇ - സിഗരറ്റ്
വിഡി സതീശന്‍ പെരുംനുണയന്‍, എല്ലാ കാര്യത്തിലും സത്യവിരുദ്ധ നിലപാട്; മന്ത്രി വി ശിവന്‍കുട്ടി
ക്ഷേമപെന്‍ഷനുകള്‍ അവകാശമല്ലെന്ന സര്‍ക്കാര്‍ നിലപാടിനെതിരെ സംസ്ഥാന ഭിന്നശേഷി കമ്മിഷണര്‍
പക്ഷിപ്പനി; പഞ്ചായത്ത് തല സമിതികള്‍ കൂടി മേല്‍നടപടികള്‍ സ്വീകരിക്കും: മന്ത്രി വീണ ജോര്‍ജ്
സൗമ്യ വിശ്വനാഥന്‍ കൊലക്കേസ്; പ്രതികള്‍ക്ക് ജാമ്യം നല്‍കിയതിനെതിരെ മാതാവ് സുപ്രീംകോടതിയില്‍
വോട്ടിംഗ് മെഷീനുകള്‍ക്ക് തകരാറുണ്ടെന്ന് വ്യാജവാര്‍ത്ത; ഓണ്‍ലൈന്‍ ചാനലിനെതിരെ കേസ്
