Kerala
വിഴിഞ്ഞം തുറമുഖ അഴിമതി: ജുഡീഷ്യല്‍ കമ്മിഷന്‍ ഇന്ന് റിപ്പോര്‍ട്ട് സമര്‍പ്പിക്കും
കൊച്ചി: വിഴിഞ്ഞം തുറമുഖ നിര്‍മാണത്തിലെ അഴിമതി ആരോപണങ്ങള്‍ അന്വേഷിച്ച ജുഡീഷ്യല്‍ കമ്മീഷന്‍ ഇന്നു സര്‍ക്കാരിനു റിപ്പോര്‍ട്ട് സമര്‍പ്പിക്കും. വൈകിട്ട് 4ന് കമ്മീഷന്‍ അധ്യക്ഷന്‍ ജസ്റ്റിസ് സിഎന്‍ രാമചന്ദ്രന്‍ നായര്‍ റിപ്പോര്‍ട്ട് മുഖ്യമന്ത്രി പിണറായി വിജയനു കൈമാറും. മുന്‍ തുറമുഖ വകുപ്പ് സെക്രട്ടറി കെ മോഹന്‍ദാസ്, ഇന്ത്യന്‍ ഓഡിറ്റ് ആന്‍ഡ് അക്കൗണ്ട്‌സ് സര്‍വീസില്‍നിന്നു വിരമിച്ച പിജെ മാത്യു എന്നിവരാണു കമ്മിഷന്‍ അംഗങ്ങള്‍.
അതേ സമയം സിഎജി റിപ്പോര്‍ട്ട് നിയമസഭയുടെ പബ്ലിക് അക്കൗണ്ട്‌സ് കമ്മറ്റി പരിശോധിക്കുന്നതിനാല്‍ റിപ്പോര്‍ട്ട് തല്‍ക്കാലം സര്‍ക്കാര്‍ പുറത്തുവിട്ടേക്കില്ല. എന്നാല്‍ ജുഡീഷ്യല്‍ കമ്മിഷന്‍ പിരിച്ചുവിട്ടു സിബിഐ അന്വേഷണം പ്രഖ്യാപിക്കണമെന്ന ഹരജി ഹൈക്കോടതിയുടെ പരിഗണനയിലിരിക്കുന്നത് സര്‍ക്കാറിന് തലവേദനയാകും. കമ്മിഷന്‍ റിപ്പോര്‍ട്ട് പരിശോധിച്ച ശേഷം ഹരജിയില്‍ തീരുമാനമെടുക്കുമെന്നാണ് ഹൈക്കോടതി വ്യക്തമാക്കിയിരിക്കുന്നത്. ഇക്കാരണത്താല്‍ കമ്മിഷന്റെ കണ്ടെത്തലുകള്‍ ഹൈക്കോടതിക്ക് മുമ്പാകെയെങ്കിലും സര്‍ക്കാറിന് ഹാജരാക്കേണ്ടി വരും.
വിഴിഞ്ഞം തുറമുഖ നിര്‍മാണ കരാര്‍ സംസ്ഥാനത്തിനു കനത്ത നഷ്ടം വരുത്തി വച്ചതായുള്ള കംപ്‌ട്രോളര്‍ ആന്‍ഡ് ഓഡിറ്റര്‍ ജനറലിന്റെ റിപ്പോര്‍ട്ടാണു കമ്മിഷന്‍ പ്രധാനമായും പരിശോധിച്ചത്. മുന്‍ മുഖ്യമന്ത്രി ഉമ്മന്‍ ചാണ്ടി, മുന്‍ തുറമുഖ വകുപ്പ് സെക്രട്ടറി ജയിംസ് വര്‍ഗീസ്, വിഴിഞ്ഞം തുറമുഖ കമ്പനി അധികൃതര്‍, പിസി ജോര്‍ജ് എംഎല്‍എ, പരിസ്ഥിതി പ്രവര്‍ത്തകന്‍ സിആര്‍ നീലകണ്ഠന്‍ എന്നിവരും കമ്മിഷനു മുമ്പാകെ ഹാജരായി മൊഴി നല്‍കിയിട്ടുണ്ട്.
Latest
സംസ്ഥാനത്ത് വീണ്ടും ഡിജിറ്റല്‍ അറസ്റ്റ് തട്ടിപ്പ്; പത്തനംതിട്ടയില്‍ വൃദ്ധ ദമ്പതികള്‍ക്ക് 1.40 കോടി രൂപ നഷ്ടമായി
ശബരിമല സ്വര്‍ണ്ണക്കൊള്ളക്കേസ്:നിയമപരമായി കേന്ദ്ര ഏജന്‍സികള്‍ക്ക് ഇടപെടാം; കേന്ദ്ര സഹമന്ത്രി ജോര്‍ജ് കുര്യന്‍
യു എ ഇയിൽ മൂടൽ മഞ്ഞിൽ ഡ്രൈവ് ചെയ്യുമ്പോൾ ശ്രദ്ധിക്കേണ്ട അഞ്ച് ട്രാഫിക് പിഴകൾ
സാംസ്‌കാരിക കേന്ദ്രമായി അബൂദബിയിലെ പഴയ വിമാനത്താവള കെട്ടിടം
പങ്കാളിയെ മൊബൈല്‍ ചാര്‍ജര്‍ കൊണ്ട് മര്‍ദിച്ച സംഭവം; യുവമോര്‍ച്ച ജില്ലാ ജനറല്‍ സെക്രട്ടറിയെ ബിജെപി പുറത്താക്കി
മര്‍കസ് ബോയ്‌സ് ഹയര്‍സെക്കന്‍ഡറി സ്‌കൂളില്‍ 'സുരക്ഷിത് മാര്‍ഗ്' ക്ലബ് ഉദ്ഘാടനം ചെയ്തു
