Kerala
ശബരിമല സ്വര്ണ്ണക്കൊള്ള കേസ്; പത്മകുമാറും മുരാരി ബാബുവും ഗോവര്ധനും ജയിലില് തുടരും; ജാമ്യ ഹരജി തള്ളി
സ്വര്ണപാളികള് മോഷ്ടിച്ച കേസില് ഒന്നാം പ്രതിയായ ഉണ്ണിക്കൃഷ്ണന് പോറ്റിക്ക് കൊല്ലം വിജിലന്സ് കോടതി സ്വാഭാവിക ജാമ്യം അനുവദിച്ചിരുന്നു
കൊച്ചി | ശബരിമല സ്വര്ണക്കൊള്ളക്കേസില് റിമാന്ഡിലുള്ള ദേവസ്വം ബോര്ഡ് മുന് പ്രസിഡന്റ് എ പത്മകുമാര് ഉള്പ്പടെ മൂന്ന് പ്രതികളുടെ ജാമ്യഹരജി ഹൈക്കോടതി തള്ളി. പത്മകുമാറിന് പുറമെ മുരാരി ബാബു, ബെല്ലാരിയിലെ സ്വര്ണ വ്യാപാരി ഗോവര്ധന് എന്നിവരുടെ ജാമ്യഹര്ജികളാണ് ജസ്റ്റീസ് എ ബദറൂദ്ദീന്റെ ബെഞ്ച് തള്ളിയത്.പ്രതികള്ക്ക് ജാമ്യം നല്കരുതെന്ന് പ്രോസിക്യൂഷനും അന്വേഷണ സംഘവും കോടതിയോട് ആവശ്യപ്പെട്ടിരുന്നു
പ്രതികള്ക്കെതിരെ ഗൗരവമായ തെളിവുകളുണ്ടെന്നും അന്വേഷണം നിര്ണായക ഘട്ടത്തിലാണെന്നുമാണ് പ്രോസിക്യൂഷന് വാദം.ശബരിമല സ്വര്ണക്കൊള്ളയില് എ പത്മകുമാറിനെ നവംബര് 20 നാണ് എസ്ഐടി അറസ്റ്റ് ചെയ്തത്. കട്ടിളപ്പാളിയിലെ സ്വര്ണം ഉണ്ണിക്കൃഷ്ണന് പോറ്റിക്ക് കൈമാറിയതില് പത്മകുമാര് അടങ്ങുന്ന ബോര്ഡിന് വീഴ്ചയുണ്ടായെന്ന കണ്ടെത്തലിന് പിന്നാലെയായിരുന്നു അറസ്റ്റ്.അതേസമയം, ദ്വാരപാലക ശില്പങ്ങളിലെ സ്വര്ണപാളികള് മോഷ്ടിച്ച കേസില് ഒന്നാം പ്രതിയായ ഉണ്ണിക്കൃഷ്ണന് പോറ്റിക്ക് കൊല്ലം വിജിലന്സ് കോടതി സ്വാഭാവിക ജാമ്യം അനുവദിച്ചിരുന്നു.അറസ്റ്റിലായി 90 ദിവസം പിന്നിട്ടിട്ടും അന്വേഷണസംഘം കുറ്റപത്രം സമര്പ്പിക്കാത്ത സാഹചര്യത്തിലാണിത്. എന്നാല് സ്വര്ണക്കട്ടിളപാളി കേസില് ജാമ്യം ലഭിക്കാത്തതിനാല് ഉണ്ണിക്കൃഷ്ണന് പോറ്റി ജയിലില് തുടരും
Latest
ഉത്തര്പ്രദേശിലെ പ്രയാഗ്രാജില് പരിശീലന വിമാനം തകര്ന്നുവീണു
വീഡിയോ ചിത്രീകരിച്ചതിനെ തുടർന്ന് യുവാവിന്റെ മരണം: ഷിംജിത മുസ്തഫ അറസ്റ്റിൽ
സാങ്കേതിക തകരാർ; ഡൊണാൾഡ് ട്രംപ് സഞ്ചരിച്ച ഔദ്യോഗിക വിമാനം തിരിച്ചിറക്കി
നിറം മാറുന്ന പാരാമെഡിക്കൽ
ഈ പ്രശ്നങ്ങൾ ഉള്ളവർ ചിയ സീഡ്സ് കഴിക്കരുത്!
ശബരിമല സ്വര്ണ്ണക്കൊള്ള കേസ്; പത്മകുമാറും മുരാരി ബാബുവും ഗോവര്ധനും ജയിലില് തുടരും; ജാമ്യ ഹരജി തള്ളി
