International
ഇറാന്‍ സൈനിക കേന്ദ്രങ്ങള്‍ക്ക് നേരെ ഇസ്‌റാഈല്‍ വ്യോമാക്രമണം
ദമസ്‌കസ്: സിറിയയിലെ ഇറാന്‍ സൈനിക കേന്ദ്രങ്ങള്‍ക്ക് നേരെ ഇസ്‌റാഈല്‍ വ്യോമാക്രമണം. ഇറാന്റെ ഒരു ഡസനിലേറെ സൈനിക കേന്ദ്രങ്ങള്‍ക്ക് നേരെ ആക്രമണം നടത്തിയതായി ഇസ്‌റാഈല്‍ സൈന്യം വ്യക്തമാക്കി. ഗോലന്‍ കുന്നുകളിലെ ഇസ്‌റാഈല്‍ സൈന്യത്തെ ലക്ഷ്യമാക്കി ഇറാന്‍ റോക്കറ്റുകളും മിസൈലുകളും വിക്ഷേപിക്കാന്‍ തുടങ്ങിയിട്ടുണ്ടെന്ന് ആരോപിച്ചായിരുന്നു ഇസ്‌റാഈലിന്റെ ആക്രമണം. ഇറാന്റെ രഹസ്യാന്വേഷണ കേന്ദ്രം, ആയുധ സംഭരണികള്‍, സൈനിക വാഹനങ്ങള്‍ എന്നിവയെല്ലാം ലക്ഷ്യമാക്കിയായിരുന്നു വ്യോമാക്രമണം. ഇതിന് പുറമെ സിറിയന്‍ സൈന്യത്തിന്റെ ചില കേന്ദ്രങ്ങളും വ്യോമാക്രമണത്തില്‍ തകര്‍ക്കപ്പെട്ടിട്ടുണ്ട്. സിറിയയുടെ റഡാര്‍ സംവിധാനത്തിന് തകരാര്‍ സംഭവിച്ചതായി സിറിയന്‍ വാര്‍ത്താ ഏജന്‍സി സന റിപ്പോര്‍ട്ട് ചെയ്തു.
സിറിയന്‍ പ്രദേശം ഉപയോഗപ്പെടുത്തി ഇറാന്‍ സൈന്യം തങ്ങളെ ആക്രമിക്കുന്നുവെന്ന് നേരത്തെ ഇസ്‌റാഈല്‍ ആരോപിച്ചിരുന്നു. ഹോംസ് പ്രവിശ്യയിലെ ഒരു വ്യോമ കേന്ദ്രത്തിന് നേരെ മുമ്പ് ഇസ്‌റാഈല്‍ സൈന്യം ആക്രമണം നടത്തിയിരുന്നു. കഴിഞ്ഞ ഒരു വര്‍ഷത്തിനിടെ സിറിയയില്‍ ഒരു ഡസനിലേറെ ആക്രമണങ്ങള്‍ ഇസ്‌റാഈല്‍ നടപ്പാക്കിയിട്ടുണ്ട്. 2011ല്‍ സിറിയന്‍ ആഭ്യന്തര യുദ്ധം തുടങ്ങിയതോടെ ഇറാനും ഇസ്‌റാഈലും തമ്മിലുള്ള തര്‍ക്കവും രൂക്ഷമായി. അതേസമയം, സിറിയയില്‍ ഇസ്‌റാഈല്‍ നടത്തിയ വ്യോമാക്രമണത്തിനിടെ തങ്ങളുടെ വ്യോമപരിധി ലംഘിച്ചതായി ലബനാന്‍ ചൂണ്ടിക്കാട്ടി.
Latest
ന്യൂയോര്‍ക്ക് സിറ്റി മേയര്‍ തെരഞ്ഞെടുപ്പില്‍ ഇന്ത്യന്‍ വംശജനായ സൊഹ്‌റാന്‍ മംദാനി മുന്നില്‍
കന്നഡ സീരിയല്‍ നടിക്ക് അശ്ലീല സന്ദേശം അയച്ച മലയാളി യുവാവ് അറസ്റ്റില്‍
തിരുവല്ലയില്‍ 19കാരിയെ കുത്തിവീഴ്ത്തി, പെട്രോളൊഴിച്ച് തീകൊളുത്തി കൊലപ്പെടുത്തിയ കേസ്; പ്രതി അജിന്‍ റെജി കുറ്റക്കാരനെന്ന് കോടതി
ആശ വര്‍ക്കര്‍മാരുടെ ഓണറേറിയം വര്‍ധിപ്പിച്ചുള്ള ഉത്തരവിറങ്ങി
വൈക്കത്ത് ട്രാവലറും ബൈക്കും കൂട്ടിയിടിച്ച് അപകടം;വിദ്യാർഥിക്ക് ദാരുണാന്ത്യം
മൂന്നാറില്‍ മുംബൈ സ്വദേശിനിയായ വിനോദസഞ്ചാരിയെ ഭീഷണിപ്പെടുത്തിയ സംഭവം; രണ്ട് ടാക്സി ഡ്രൈവര്‍മാര്‍ അറസ്റ്റില്‍
