Kasargod
സുപ്രീം കോടതിയില്‍ കാസര്‍കോട്ടുകാരന്‍ മുന്‍കൈയെടുത്ത് പുതിയ കീഴ്വഴക്കം
കാസര്‍കോട്: സുപ്രീം കോടതിയിലെ മുതിര്‍ന്ന അഭിഭാഷകര്‍ക്ക് ഇനി മുതല്‍ പ്രത്യേക പരിഗണനയില്ല. നിയമവിരുദ്ധമായ ഈ കീഴ്‌വഴക്കത്തിന് തടയിടാന്‍ ഇടപെട്ടത് കാസര്‍കോട് സ്വദേശിയായ അഭിഭാഷകന്‍.
സുപ്രീം കോടതിയിലെ അഭിഭാഷകനായ കാസര്‍കോട് ബങ്കളം സ്വദേശി പി വി ദിനേശാണ് കാലാകാലങ്ങളായി തുടര്‍ന്നുവരുന്ന മുതിര്‍ന്ന അഭിഭാഷകര്‍ക്കുള്ള പ്രത്യേക പരിഗണന ഇല്ലാതാക്കിയത്. ഇത് ദിനേശന്റെ അഭിഭാഷകവൃത്തിയിലെ സുവര്‍ണ നേട്ടമായി.
പട്ടികയില്ലാത്ത കേസുകള്‍ക്ക് അടിയന്തിര പരിഗണന കിട്ടാന്‍ സുപ്രീം കോടതിയില്‍ രാവിലെ 10.30ന് ചീഫ് ജസ്റ്റിസ് മുമ്പാകെ പരാമര്‍ശിക്കുന്ന മെന്‍ഷനിംഗ് രീതി ഉണ്ടായിരുന്നു. ചീഫ് ജസ്റ്റിസിന്റെ വിവേചനാധികാരം ഉപയോഗിച്ച് അത്തരം കേസുകളില്‍ എളുപ്പത്തില്‍ നടപടികളെടുക്കാനും തീയതി ലഭിക്കാനുമാണ് ഈ സമ്പ്രദായം.
സുപ്രീംകോടതി നടപടികളിലേക്ക് കടന്ന് ചീഫ് ജസ്റ്റിസ് ഇരിക്കുന്ന ഒന്നാം നമ്പര്‍ കോടതിയിലാണ് മെന്‍ഷനിംഗ് നടക്കുക. ഇത് കഴിഞ്ഞതിന് ശേഷം മാത്രമേ പട്ടികയിലുള്ള കേസുകള്‍ പരിഗണിക്കുകയുള്ളൂ. കോടതിയുടെ കീഴ്വഴക്കം അനുസരിച്ച് അഡ്വക്കേറ്റ്‌സ് ഓണ്‍ റെക്കോര്‍ഡ്‌സ് വിഭാഗത്തില്‍പ്പെട്ട ജൂനിയര്‍ അഭിഭാഷകരാണ് മെന്‍ഷനിംഗ് നടത്തേണ്ടത്. എന്നാല്‍, മുതിര്‍ന്ന അഭിഭാഷകര്‍ ലക്ഷങ്ങള്‍ ഫീസ് വാങ്ങി ഈ മേഖലയില്‍ ആധിപത്യം പുലര്‍ത്തിവരികയായിരുന്നു. അഭിഭാഷകര്‍ വരിനിന്നാണ് ആവശ്യങ്ങള്‍ ഉന്നയിക്കുക.
എന്നാല്‍, മുതിര്‍ന്ന അഭിഭാഷകര്‍ക്ക് വരി നില്‍ക്കേണ്ടതില്ലാത്തതിനാല്‍ ഇവര്‍ ദീര്‍ഘസമയമെടുത്ത് പലവട്ടം ആവശ്യങ്ങള്‍ ഉന്നയിക്കാന്‍ അവസരം ലഭിക്കുന്നു. അതേസമയം, ജൂനിയര്‍ അഭിഭാഷകര്‍ക്ക് അവസരം നിഷേധിക്കപ്പെടുകയും ചെയ്യുന്നു. എന്നാല്‍, ഇതിനെ അഡ്വ. പി വി ദിനേശ് കോടതിയില്‍ ചോദ്യം ചെയ്യുകയായിരുന്നു.
Latest
സ്റ്റേറ്റ്സൈഡ് ഗ്രൂപ് വിദ്യാഭ്യാസ പങ്കാളിത്ത പരിപാടികള്‍ പ്രഖ്യാപിച്ചു
മതനിരപേക്ഷ ജനാധിപത്യ സംവിധാനം ഇന്ത്യയില്‍ നിലനില്‍ക്കുമോയെന്ന് തീരുമാനിക്കുന്ന തിരഞ്ഞെടുപ്പാണ് ഇപ്പോള്‍ നടക്കുന്നത്; സീതാറാം യെച്ചൂരി
ഛത്തീസ്ഗഡില്‍ പോളിംഗ് ഡ്യൂട്ടിക്കിടെ ഗ്രനേഡ് പൊട്ടിത്തെറിച്ച് സിആര്‍പിഎഫ് ജവാന് പരുക്ക്
മംഗലാപുരം സ്വദേശിയെ മോങ്ങത്തെ കുളത്തില്‍ മരിച്ചനിലയില്‍ കണ്ടെത്തി
തിരഞ്ഞെടുപ്പ് റാലിക്കിടെ ബിജെപി സ്ഥാനാര്‍ഥി പള്ളിക്ക് നേരെ സാങ്കല്‍പ്പിക അമ്പ് തൊടുത്തു; വന്‍ പ്രതിഷേധം
നാവിക സേനയുടെ അടുത്ത മേധാവിയായി വൈസ് അഡ്മിറല്‍ ദിനേശ്കുമാര്‍ ത്രിപാഠിയെ നിയമിച്ചു
