Palakkad
ഫയര്‍ സ്റ്റേഷന് പ്രഖ്യാപനത്തിലൊരുങ്ങി
നെന്മാറ:ഫയര്‍ സ്റ്റേഷന് ആരംഭിക്കുമെന്ന സര്‍ക്കാര്‍ പ്രഖ്യാപനമുണ്ടായിട്ട് മാസങ്ങള്‍ കഴിഞ്ഞെങ്കിലും പ്രാരംഭനടപടി ഇനിയും തുടങ്ങിയില്ല. നെന്മാറ നിവാസികളുടെ വളരെക്കാലത്തെ ആവശ്യമായിരുന്നു ഫയര്‍ സ്റ്റേഷന് സ്ഥാപിക്കണമെന്നത്. മേഖലയില്‍ തീപിടിത്തമുണ്ടാവുമ്പോള്‍ ആലത്തൂരിലെ ഫയര്‍ സ്‌റ്റേഷനില്‍ വിവരമറിയിക്കുകയാണ് പതിവ്.എന്നാല്‍, അഗ്‌നിശമനസേനാംഗങ്ങള്‍ എത്തുമ്പോഴേക്കും അര മണിക്കൂറോളം സമയമെടുക്കും. ഉള്‍പ്രദേശങ്ങളിലാണെങ്കില്‍ കൂടുതല്‍ സമയമെടുക്കും.—നെല്ലിയാമ്പതിയില്‍ അപകടം നടന്നാലും ആലത്തൂരില്‍നിന്ന് ഫയര്‍ യൂനിറ്റ് എത്തണം. ഒരു മണിക്കൂറിലധികം സമയം ഓടിയെത്താന്‍ വേണം. രക്ഷാപ്രവര്‍ത്തനത്തിന്റെ കാര്യക്ഷമതയെ ഇത് ബാധിക്കുന്നു. നെന്മാറയില്‍ ഫയര്‍ സ്റ്റേഷന് യാഥാര്‍ഥ്യമായാല്‍ മേഖലയിലെവിടെയും 10 മിനിറ്റിനകം എത്താനാകും. നെല്ലിയാമ്പതിയില്‍ അര മണിക്കൂറില്‍ താഴെ സമയം കൊണ്ട് ഫയര്‍ യൂനിറ്റിന് എത്തിച്ചേരാന്‍ കഴിയും. സമീപകാലത്തായി നെന്മാറ മേഖലയില്‍ അഗ്‌നിബാധ പോലുള്ള സം”വങ്ങള്‍ വര്‍ധിച്ചുവരികയാണ്. കഴിഞ്ഞ ദിവസം അളുവാശ്ശേരി ചേരിന്‍കാടില്‍ അഗ്‌നിബാധയുണ്ടായിട്ട് ആലത്തൂരിലെ ഫയര്‍ യൂനിറ്റിനെ വിവരമറിയിച്ച് അര മണിക്കൂര്‍ കഴിഞ്ഞാണ് ടൗണിലെത്തിയത്. ഇതിനോടകം ഏക്കര്‍ കണക്കിന് സ്ഥലത്തെ റബര്‍ കൃഷി അഗ്‌നിക്കിരയായി. നെന്മാറയില്‍ ഫയര്‍ സ്റ്റേഷന് വേണ്ടി ടൗണിലെ പൊലീസ് പരേഡ് ഗ്രൗണ്ട് നേരത്തെ പരിഗണിച്ചിരുന്നു. എന്നാല്‍, അത് നടന്നില്ല. മറ്റൊരു സ്ഥലത്തിന് വേണ്ടി അന്വേഷിച്ചുകൊണ്ടിരിക്കുകയാണെന്നാണ് അധികൃതരുടെ വിശദീകരണം.
Latest
സംസ്ഥാനത്ത് സ്വര്‍ണവില 54,000 കടന്നു
പത്തനംതിട്ടയില്‍ കാണാതായ ഇതര സംസ്ഥാന തൊഴിലാളികളുടെ പെണ്‍കുട്ടികളെ മണിക്കൂറുകള്‍ക്കകം കണ്ടെത്തി പോലീസ്
അട്ടപ്പാടിയില്‍ വീണ്ടും ആദിവാസി ശിശുമരണം; ഏഴുമാസം പ്രായമുള്ള കുഞ്ഞ് ശ്വാസംമുട്ടലിനെ തുടര്‍ന്ന് മരിച്ചു
പയ്യോളിയില്‍ കാര്‍ ലോറിയില്‍ ഇടിച്ച് അപകടം; രണ്ട് മരണം
ടൂറിസ്റ്റ് ബസും കാറും കൂട്ടിയിടിച്ചുണ്ടായ അപകടത്തില്‍ യുവാവ് മരിച്ചു
വടം കഴുത്തില്‍ കുരുങ്ങി സ്‌കൂട്ടര്‍ യാത്രികന്‍ മരിച്ച സംഭവം; പോസ്റ്റ്മോര്‍ട്ടം വിവരങ്ങള്‍ ഇന്ന് പുറത്ത് വരും
