Kerala
അഞ്ച് കിലോ പാചക വാതക സിലിണ്ടര്‍ കേരളത്തിലും
കൊച്ചി: ഇന്ത്യന്‍ ഓയില്‍ കോര്‍പറേഷന്റെ അഞ്ച് കിലോ പാചകവാതക സിലിണ്ടറുകള്‍ കേരളാ വിപണിയിലെത്തി. തുടക്കത്തില്‍ കൊച്ചിയില്‍ മാത്രമാണ് സിലിണ്ടറുകള്‍ ലഭിക്കുക. വില്ലിങ്ടണ്‍ ഐലന്‍ഡിലെ ടി പി എം ഫ്യുവല്‍സ് പെട്രോള്‍ പമ്പിലാണ് സിലിണ്ടര്‍ ഇപ്പോള്‍ ലഭ്യമാക്കിയിരിക്കുന്നത്. ഒരാഴ്ചയ്ക്കുള്ളില്‍ തിരുവനന്തപുരത്തെയും ഐ ഒ സി പമ്പുകളില്‍ വിതരണം തുടങ്ങും. മറ്റുജില്ലകളില്‍ ആവശ്യമെങ്കില്‍ വിതരണത്തിന് നടപടിയെടുക്കുമെന്ന് ഐഒസി അറിയിച്ചു.
ഏതെങ്കിലും തിരിച്ചറിയല്‍ രേഖകളുള്ള ആര്‍ക്കും സിലിണ്ടര്‍ വാങ്ങാം. ആദ്യതവണ രണ്ടായിരം രൂപ നല്‍കണം. സിലിണ്ടറിന്റെ വാടകയും റെഗുലേറ്ററിന്റെയും ട്യൂബിന്റെയും വിലയും ഉള്‍പ്പെടെയാണിത്. അടുത്തതവണ മാറ്റിവാങ്ങുമ്പോള്‍ 539 രൂപ 50 പൈസ നല്‍കിയാല്‍ മതിയാകും.
സ്ഥിരമായ പാചകവാതക കണക്ഷനുകളില്ലാത്തവരെയും അടിക്കടി താമസം മാറുന്നവരെയും ലക്ഷ്യമിട്ടാണ് അഞ്ചുകിലോ സിലിണ്ടറുകള്‍ വിപണിയിലിറക്കിയിരിക്കുന്നത്.
Latest
ദളിത് യുവതിക്കെതിരായ വ്യാജ മോഷണ പരാതി; വീട്ടുടമക്കും പോലീസുകാര്‍ക്കുമെതിരെ കേസെടുത്തു
രജിസ്ട്രാറുടെ സസ്‌പെന്‍ഷന്‍; കേരള സര്‍വകലാശാല നാളെ പ്രത്യേക സിന്‍ഡിക്കേറ്റ് യോഗം ചേരും
സ്വകാര്യ ബസ് സമരം ഒഴിവാക്കാന്‍ ഉടമകളുമായി ചര്‍ച്ച നടത്തും: മന്ത്രി കെ ബി ഗണേഷ് കുമാര്‍
ആറാം ക്ലാസ് വിദ്യാര്‍ഥിയെ ലൈംഗിമായി പീഡിപ്പിച്ച കേസ്; പ്രതിക്ക് 9 വര്‍ഷം കഠിനതടവും 85000 രൂപ പിഴയും
മന്ത്രി വീണാ ജോര്‍ജിനെ വേട്ടയാടാനാണ് യു ഡി എഫ് തീരുമാനമെങ്കില്‍ ശക്തമായി നേരിടുമെന്ന് ഡി വൈ എഫ് ഐ
എസ് എസ് എഫ് വണ്‍ ഡ്രോപ്പ് കാമ്പയിന്‍ ആരംഭിച്ചു
