ശ്രീലങ്കയില്‍ തമിഴ് പാര്‍ട്ടിക്ക് വന്‍ തിരഞ്ഞെടുപ്പ് ജയം

Posted on: September 22, 2013 8:31 am | Last updated: September 22, 2013 at 8:31 am
SHARE

15776ജാഫ്‌ന: വര്‍ഷങ്ങള്‍ നീണ്ട ആഭ്യന്തര യുദ്ധത്തിനൊടുവില്‍ ശ്രീലങ്കയില്‍ തമിഴ് പാര്‍ട്ടിക്ക് തിരഞ്ഞെടുപ്പ് വിജയം. വടക്കന്‍ പ്രവിശ്യയിലെ കൗണ്‍സില്‍ തിരഞ്ഞെടുപ്പിലാണ് തമിഴ് ദേശീയ സഖ്യം വിജയിച്ചത്. ആകെയുള്ള 38 സീറ്റുകളില്‍ 30ും ടി എന്‍ എ നേടി. പ്രസിഡന്റ് മഹീന്ദ രജപക്‌സെ നേതൃത്വം നല്‍കുന്ന സഖ്യകക്ഷിക്ക് ഏഴ് സീറ്റുകള്‍ മാത്രമേ നേടാനായുള്ളൂ. ശ്രീലങ്ക മുസ്ലിം കോണ്‍ഗ്രസിന് ഒരു സീറ്റ് ലഭിച്ചു. തമിഴ് പുലികളെ തുരത്തി നാല് വര്‍ഷത്തിന് ശേഷമാണ് പ്രവിശ്യാ തിരഞ്ഞെടുപ്പ് നടക്കുന്നത്.